←  Psalms (52/150)  →

---

1.

Aw mi ropui le hrat khawkheng,Pathien mita inzapuium,Pathien laka suol i thaw chu,Ieng dinga i uongpui ni tin?

2.

Mi sietna ding i phierruk a,Thukhel i phu suokna lei hi,Chem hriem tak anga ngei a nih.

3.

Tha nekin suol i lawm lem a,Thu dik nekin khel hril i ching.

4.

Aw nang hmur khelhlip neitupa,Mi lung khei zawng hril i hrat de!

5.

Pathienin pot thlang a che a,Kumkhuoin sukram a ti che.I puon in a'nthok hnuk suokin,La pot chen neng a ti che a;Hringmi laia cheng thei lo di'n,A phawi hmang dai ding che a nih.

6.

Mi indikha'n chu chu hmuin,Pangzatin nuisawng an ti che.

7.

"En tu, en tu, hi mipa hi,Pathiena innghat nuom loa,Mani hausakna ringsan a,Mi sietnaa insuklien pa"Tiin khiksaw bok an ti che.

8.

Kei chu Pathien ina olivHring inno tak ang hi ka na,Pathien hmangaina chul lo chu, Kumkhuoa ka ringsan a nih.

9.

Thil i mi thawpekhai leiin,Kumkhuoin inpak ka ti che;I hming leiin beisei ka ta,I hming hi a va tha de aw!I mi thienghlimhai hmaa khom,Inpakin chawimawi ka ti che.

---

←  Psalms (52/150)  →