←  Psalms (50/150)  →
1. LALPA Pathien Ropui tak chun,Ni suokna sak kawla inthok,A tlakna thlang kawl rawn chen,Thu hrilin hnuoi hi a ko a.
2. Khaw mawi famkim Zion a'nthok,Pathien var chu a eng suok hlak.
3. Ei Pathien a hung, to naw nih,A hmaah mei a'n hlap puot puot,A velah thlipui a hrang vel.
4. Chung van a ko, hnuoi a ko bok,A mihai ro relpek dingin.
5. "Ka kuoma inthawina hlantu,Thu thlungtu serhranhai ko ro"Tiin kona thu a'n suo a.
6. Van khin a'n dikzie a puong a,Roreltu chu Pathien a nih.
7. "Ka mihai, ka thu ngaithla ro, Aw Israel, khing ka ti che,Pathien, in Pathien chu ka nih.
8. Ka kawk naw cheu, in thilhlan lei,In inthawina a hung tlung zing;
9. In bawngchalhai ka mamaw nawh,In ran huonga kelchalhai khom.
10. Ram sa tinreng ka ta a nih,Tlang tina cheng ransahai khom;
11. Tlanga vate tin ka hriet vong,Thil hring po po ka ta a nih.
12. "Tam khom ni lang hril naw ning cheu,Khawvel le a sunga umhai,Keima ta vong an ni si a.
13. Bawngchal sahai dam fa hlakin,Kel thisen ka dawn hlaka mawh?
14. Pathien kuomah lawmthu hrilna,Inthawina inhlan lem unla,Chunghnungtak kuoma in thu chu,In tiem angin hlen suok unla,
15. Harsat niah mi ko unla,Keiin san him ka ti cheu a,Nangnin kei mi chawimawi ve ro."
16. Mi rilohai kuoma ruok chun,Pathienin hieng hin a hril a:"Ka dan thuhai inzawt ding le,Ka thuthlunghai sam hlak dingin,Tu'n am phalna a pek cheu a?
17. Ka thucha3
18. Rukru in inthuruolpui a,Uire zawlpuon in zawnpui a.
19. Suol hrilna di'n bau in phong a,In lei khel hrilna'n a'n khap a
20. In unauhai in hrilsiet a, In laizawnhai in hek bok a.
21. Hieng po po hi in ching hlak a,Sienkhom ka tosan zing cheu a;Nangni anga lungril put ve,In mi sawn hman hiel a ni kha.Tu hin hmaisana ngei kawkin,In thiem nawzie hril ka ti cheu.
22. "Pathien theinghil chinghai, ngai ro,Chuong naw chun pot chen ka ti cheu,Santu ding hrim nei naw ti niu:
23. Lawmthu hrilna inhlantu chun,Keima a mi chawimawi a na,Lampui indik hrawtu khomin,Pathien sandamna hmung a tih."
←  Psalms (50/150)  →