←  Psalms (5/150)  →

---

1.

LALPA, i na mi dawpekin,Kan rum ri hi lo ngaithla rawh.

2.

Ka Laltak le aw ka Pathien,Thangpui ngaiin ka ko che a,Ka hnina lo ngaithla hram rawh.

3.

LALPA, zingkar ka ko che a, Ka thil hnihai ka'n tlun hlak a,Beisei takin ka nghak zing hlak.

4.

Suol lawm Pathien i ni naw a,Mi rilo leh i cheng thei nawh.

5.

I hmaah mi uongthuong tu khom,An inlang ngam ngai der naw a,Thil suol thawhai i theida si.

6.

Khel hril chinghai i sukram a,Thisen insuo le hlemhmanghai,I tirdak zawng an nih, LALPA.

7.

I hmangaina chuoi lo zarin,I inah hung inlawi ka ta;I tempul thienghlim tieng nghain,Inza takin hung kun ka tih.

8.

LALPA, ka hmelmahai leiin,I felnaah mi thuoi pei la,Ka tluonglam mi siem ngilpek rawh.

9.

An bau thu suok mal khat te khom,Ring tlak hrim hrim a um naw a,An lungril sietna'n a sip a,An hnuk chu thlan inhong a na,An lei inpak dernan a'n khap.

10.

Aw Pathien, thiemnaw inchang la,An thil phier sietpui hai sien la,An bawsietna zozai lei hin,Anni chu pei suok dai tawl rawh,I lakah an hel tlat si a.

11.

Nangma beltu ruok chu him sien,Hlimna hla sak kumkhuo raw se.I humhimna thla zar khum la,I hming dittuhai hlim an tih.

12.

A nih, LALPA, mi felhai chuMathei loin mal i sawm a,I ditsakna chun phaw angin,Anni chu in huol vel zing hlak.

---

←  Psalms (5/150)  →