←  Psalms (49/150)  →

---

1.

Mi tinrenghai, ngaithla unla,Khawvela cheng po pohaiin,In na kha lo daw seng ro khai.

2.

Mi chin mi lien, hausa rethei,In rengin lo ngaithla ro khai.

3.

Varna thu kan zawt ding a na,Ka lungril ka phor suokhai chun,Hriet thiem theina peng a ti cheu.

4.

Thuvar tieng ka na dawng ka ta,Tingtang keiin thukhirhai chu,Ka hung hril fie ding a ni hih:

5.

Hmelma rilohai suolna chun,Sir tinah mi'n huol vel sienkhom,Hun tha loah iem ting ka ta?

6.

An hausak an inhnempui a,An hnienghnar thu an uongpui hlak.

7.

Tu khomin mi danghai hringna,Intlanpek thei a ni naw a,Pathien kuomah intlanna man,Tu khomin an pek thei bok nawh.

8.

Hringna man chu a to taluo,Ieng po khomin a'n tlan zo nawh,

9.

Thlan thima hmon ve lo ding a,Chatuona hring ding a ni chun.

10.

Invet le mawlhai ang bokin,Mi varhai khom an thi ve a,An hausakna mi dang ta di'n,An maksan hlak ti hi hre ro.

11.

An ramin an hming hiel putin,Thang tam lo hluo ta hai sienkhom,An chang sun chu an thlan a na,An kumkhaw in ni zing a tih.

12.

Ieng anga neinung khom ni sien,Mihriem chun a dai sawt ngai nawh,Ramsa angin a bohmang hlak.

13.

Mania innghattuhai chu,Chuong ang chu an chan a ni hlak,An thu khukpuituhai chan khom.

14.

Beram anga thi ding an na,An vengtu chu Thina a nih.Thlan thimah liem thla nghal an ta,An taksa chu hmon hmang a ta,Mithi khuoa chun um an tih.i

15.

Kei chu Seol kut a'nthokin,Pathienin mi'n tlan suok a ta,Aman mi lo lawm ngei a tih.

16.

Mi an hlawk pha inhnar naw rawh,An nei a pung thur thur khomin.

17.

An thi pha som nei naw ni hai,An thil neiin zui bok naw nih.

18.

An dam lai hamtha inti'n,Mihai ngaisang ni hai sienkhom,

19.

Var um nawna thlan inthimah,An pipuhai la fin an tih.

20.

Hriet thiemna nei lo hausa chu,Ramsa anga boral a nih.

---

←  Psalms (49/150)  →