Psalms (48/150)  

1. Ei Pathien chengna khawpui,Ama tlang thienghlima chun,LALPA a va ropui ngei!Inpak a phu chungchuong ie!
2. Zion kim tlang a mawi chuong,Khawvel lunglawmna a nih; Lal tak khawpui hmar tiengh chun,Zion tlang chu a'n zam phei.
3. A kulah Pathien a cheng,Humtu a ni a'n langtir.
4. Lalhai an inhawr khawm a,Bei dingin an hung inthok;
5. Sienkhom a tlang an hmu chun,Maktinain an sip a,Thlabarin an tlan sie a.
6. Tha inthinin a man a,Nau hase tuor ang an nih.
7. Khawsak thli'n Tarsis long ruol,A nuoi angin i nuoi hmat.
8. Kumtluonga LALPA huol him,Iengkim LALPA khawpui ngei,Pathien khawpui ei hriet kha,Mit ngeiin ei hmu ta hi!
9. Aw Pathien, i tempulah,I hmangaina chuoi lo chu,Suiin kan dawnkhawl hlak a.
10. I hming inthang ang bokin,I'n pakna chun kawlkawdong,A lo deng suok vong tah a;Indikna'n ro i rel hlak.
11. Zion tlang chu lawm hle sien,Judai ram mi lawm raw se,Fel taka i rel leiin.
12. Zion tlang hi fang vel la,Vengbuk sanghai tiem vong la,
13. A kul bang, ralveng bukhai, Ruolthar hriet di'n inchik rawh.
14. Hi Pathien hi chatuona,Ei Pathien a ni si a, Kumkhuoin mi thuoi a tih.

  Psalms (48/150)