| ← Psalms (46/150) → |
| 1. | Pathien chu ei humhimna,Ei hratna tha hrui a na,Lungzing ni ieng lai khom a,Mi thangpui vartu a nih. |
| 2. | Chuong ang chu a ni leiin,Leilung inthlak danglamin,Tlanghai chu tuipui tuongah,Pil hmang vong khom lo ni sien,Ti ngai hrim hrim nawng ei tih. |
| 3. | Tui fawn chu so but butin,A'n rum velin tlanghai chu,Nghor hning dur dur khom ni sien,Ti chuong ngai bok nawng ei tih. |
| 4. | Vadung pakhat a um a,A fintu vadungtehan,Chunghnungtak chengna thienghlim, Pathien khawpui an suklawm. |
| 5. | A sungah Pathien a cheng,Inhning ngai hrim hrim naw nih;Zing khawvara inthokin,Pathien chun thangpui a tih. |
| 6. | Hnamhai an buoi luoi luoi a,Lalramhai an tlu sie a;A bau a hang phong meu chun,Hnuoi a zop thla el a nih. |
| 7. | Iengkimthawthei LALPA chu,Ei kuomah a um zing a,Jakob Pathien ngei el chu,Ei inhumhimna a nih. |
| 8. | LALPA thilthaw hung en tu,Hnuoi a sukram nasatzie! |
| 9. | Van khup hnuoi kawlkawdong chen,Indo a suktawp vong a,Thalngulhai a kuoi tliek a,Feihai a ulh bong vong a,Phawhai meiah a raw hmang. |
| 10. | "Ngai ngam takin um ro khai!g Pathien ka nizie hre ro:Hnam tin chunga roreltu,Hnuoi chunga lal ka ni hih." |
| 11. | Iengkimthawthei LALPA chu,Ei kuomah a um zing a,Jakob Pathien ngei el chu,Ei kulpui a ni si a. |
| ← Psalms (46/150) → |