←  Psalms (45/150)  →

---

1.

Lal kuomah hla ka'n zawt lai,Lungrilah thu mawi tak tak,A hung inlang uor uor a,Ka bau chu ziek thiem ziekfung Angin a hung inchang a.

2.

Hringmi lai i tha chungchuong,I bau zangainan a sip,Chu lei tak chun Pathienin,Mal a sawm kumkhuo che hi.

3.

Aw lal lien, i kawlhnam kha,I kawnga khan hang pai la,Ropui takin inchei rawh.

4.

Thutak le thuhnuoirolna,Indikna tana hum di'n,Hnena changin hma tawn la,Mi makti huoi huoi khopin,I kut changin hne pei rawh.

5.

I thal inzum tak el chun,Hmelmahai lung sun tlang sien,I ke bulah hnamhai chu,Tlu thal rem rum raw hai se.

6.

Pathien pek che i lalna hi,Kumkhuoin nei zing i ta,Indikna lal hmol ngei chu,I ram lal hmol ning a tih.

7.

Indikna chu i lawm a,Suol tieng i theida leiin,Pathien, i Pathien ngei chun,I ruolhai neka nasa'n,Hlimna hriek a nal ta che.

8.

I silfenah beraw rim,Aloi rim le thingzungthak,Rimtui a'n nam rum rum a;Saihaa chei lal inah,Rimawiin an inawi che.

9.

I bula cheng dinghai chu,Lal naunuhai vong an na,I chang tieng lalnu a ngir,Ofir rangkachaka siem,Silfen mawia inbelin.

10.

Bawinu, ka thu hi ngai la,I na mi lo dawpek rawh.I mihai chu theinghilin,I pa in chen khom nghil rawh.

11.

I hmel thatnan lal lungril,A lo zem hne der tah a,Inza rawh, i lal a nih.

12.

Tura naunu chu hungin,Thilpekf hung chawi bok a taHausahan i diksakna, Chang tumin tlon an ti che.

13.

Lalnu chu a pindanah,Ropuiin a cham buong a;Rangka zaia siem thuom mawi,Korfuol a hak a ni saw!

14.

Chu thuom mawi chu inbelin,Lal kuoma chun an thuoi a,A zuitu nunghak thienglam,Tam tak leh i hma bulah,An hung thuoi tah a ni saw.

15.

Hlim le lawma hung thuoiin,Lal inah an hung inlawi.

16.

In nauhaiin an pahai,Ro chu hung hluo pei an ta,Ram tinah roreltuin,I siem tawl bok ding a nih.

17.

I hming hi suon po po lai,Hriet zing dingin siem ka ta,Chuongchun hnam tinin nang chu,Inpak kumkhuong an ti che.

---

←  Psalms (45/150)  →