←  Psalms (44/150)  →
1. Tiena tlanga aw Pathien,Kan pi le puhai hun lai a,Thil i thawpekhai chanchin chu,An mi hril hlak leiin kan hriet.
2. I kuta hnam dang hnot suokin,An hmunah anni i phun a;Hnam danghai chu i tukdol a,Pipuhai i phun nghet thung a.
3. Kawlhnamin ram an lak naw a,Ralthuom leiin an hne bok nawh;I kut hrat chang tieng chu phar a,I hmel eng chu inhmutir a,I ditsak tawl em lei a nih.
4. Nang chu Pathien, ka lal i nih,Nang ngei i nih Jakob mihaiKuoma hnena thu tiemtu chu.
5. Nangma zarin hmelmahai chu,Kan hnot zam a, kan hnaw tom a.I hming leiin mi dotuhai,Kein kan sir hriel neng hlak si.
6. Ka thalngulah ka'n hnem naw a,Kawlhnamin a mi san him nawh.
7. Ka hmelmahai chunga hnena,Mi'n changtirtu chu nang i na,Mi dotu i sukmuolpho hlak.
8. Keinin kan uongpui ni tin chu,Pathien nang chauh i ni si a;Kumkhuon i hming inpak kan tih.
9. Tuhin hnawlin i mi suktlawm,Kan sipai ruol lai hin nang chu,Thang khom i thang nuom ta si nawh.
10. Mi dotuhai hmaah nangin,I mi'n tlansiettir dur dur a,Hmelmahan an mi rok ta hi!
11. That ding beram anga ngaiin,Hnam tin lai i mi sukdar a;
12. I mihai tlawmte'n i zor a,An man hlak i sak to nuom nawh.
13. Tuolbawmhai mi endong hlawin,Kan vela chenghai mi diriem,Nuizat bur kan lo chang hiel tah.
14. Hnam danghai fiem pawlawt hlawin,An lu an mi thin khum hlak a.
15. Ni tin muolphoin kan um a,Kan hmai a mawk zing zing a nih:
16. Diriema mi haltuhai rawl,Kan chunga phuba la tumtu,Hmelmahai mi vauna leiin.
17. Hieng hi kan chungah tlung sienkhom,Nang kan theinghil ngai naw che a,I thuthlung kan bawsiet ngai nawh.
18. I lakah kan lunghnur naw a,I lampui kan petsan ngai nawh.
19. Nang ruok chun mi sir sop nengin,Sihalhai lawmah mi siemin,Thim sa takin i mi'n khum si.
20. Kan Pathien hming chu theinghil a, Hnam dang pathien bie kan ni chun,
21. Lungril hretu nang Pathien chun,I hmu tlang vong naw dim a ni?
22. Nangma leiin ni tin elin,Thina ko tlangah kan ngir a;That ding beram ang hiela ngai,Kan lo ni tawl vong ta si a.
23. Lalpa, tho rawh, iem i zal zing?Meng harin, hung tho suok hram la,Kumkhuon mi pei thla tawl naw rawh.
24. Ieng leia i hmel i thup am?Soisakna kan tuor inrimzie,I mi theinghilpek am an ta?
25. Pilvut sikin kan kun zing a,Hnuoiah kan bok phek zing a nih.
26. Mi thangpui di'n hung inthok la,I hmangaina chuoi lo zarin,Mi hung intlansuok tawl hram rawh.
←  Psalms (44/150)  →