←  Psalms (42/150)  →

---

1.

Vadungte tui chaka dangchar,Sakhi a'n thuok hlop hlop angin,Aw Pathien nangma chu ngaiin,Ka hringnun a'n thuok hlop hlop a.

2.

Pathien hring ngaiin ka thlarau,A dang a char takmeu a nih.Iengtik am Pathien kuom tlungin,A hmel chu hmu tang ka ti maw?

3.

Sun-zana ka bu chu mitthli,Mihai hlak chun ni tin tinin,"Khaw lam ie, i Pathien chu teh?"Tiin an mi'n don sen bok si!

4.

Hienga nun hlui ka phor changa,Ka la theinghil thei ngai naw chu:Pathien in pana hma thuoi a,Mipuiin mi zui dul dul a,Kut hmangtuha'n inpakna hla,Hlima an sak lai hun dam kha.

5.

Aw ka thla, ieng dinga ngui a,Aw ka lung, ieng dinga i dong?Pathienah beiseina nghat la,Ka Sandamtu le Pathien chu,Ka'n pak hun um nawk ngei a tih.

6.

Ka thlarau hi a ngui tlep a, Jordan ram le Harmon tlang hai, Mizar tlanga inthok damin,Ka hung hriet vang vang che a nih.

7.

Tentuikhaw inri hum humin,Li an sotir but but angin,I tuilien infawn sanghai chun,An mi hung chim pil ta si a.d

8.

Sunah LALPAN a hmangaina,Chuoi ngai lo chu a'n langtir a;Mi sukhringtu Pathien kuomaTongtaia inpakna hlain,Zana po leh a mi'n awi hlak.

9.

Pathien, ka Lungpui kuoma chun,"Ieng dinga i mi maksan am?Ieng dinga hmelma kut tuor a,Ka'n rum a na?" ti'n ka'n don a.

10.

Ka hmelma mi diriemna chu,Thipui khop hielin a na a;"Khaw lam ie, i Pathien chu teh?"Ti'n an mi'n don sen bok si.

11.

Aw ka thla, ieng dinga ngui a,Aw ka lung, ieng dinga i dong?Pathienah beiseina nghat la,Ka Sandamtu le Pathien chu,Ka'n pak hun um nawk ngei a tih.

---

←  Psalms (42/150)  →