←  Psalms (41/150)  →

---

1.

Mi rimsihai invoitu chu,Mi hamtha a va ni ngei de!Harsatna hun a tlung pha chun,LALPAN a hung san suok ngei hlak.

2.

Ama chu LALPAN hum a ta,A hringnun chu huol him a ta;A rama chun malsawm a ta,Hmelma kutah pe ngai naw nih.

3.

Nat khumah LALPAN veng a ta,A natnahai sukdam a tih.

4.

Kei chun, "LALPA, i chunga hin,Thilsuol nasa tak ka thaw a,Sienkhom ka chungah za ngai la,Mi sandam rawh" ti'n ka ngen a.

5.

Ka sietna zongtu hmelmahan,"Iengtik top am thi hmang a ta?"Tiin an mi'n riem khum hlak a.

6.

An mi hung kan ve chang khomin,An lungril naw pui an hril a,Thu se tieng ngot an dap khawm a,Tuol an suok pha an hril thang hlak.

7.

Ka sietna ding ringot zongin,An inbekbor, ka hmelmahai;A se thei tawpa ngaituoin,

8.

"A natna hi a'n rik em a,Tho kang nawk ta naw nih" an tih.

9.

Ka ruol hnai le ka mi ring zo,Ka thleng mi otpuitu khomin,A kekhong a mi'n lek khum tah.c

10.

Aw LALPA, lunginsiettakin,Nangin mi hung sukdam nawk la,Anni hi hang thungrul ka tih.

11.

Ka hmelmahai chu ka chungah,I'n lengtir phal naw lei tak hin,Ka chungah i lawm ti ka hriet.

12.

I mi chel ngir, ka'n dik leiin,I kuoma kumkhuoa cheng di'n,I mi sie ta hrim a ni hi.

13.

LALPA, Israel Pathien chu,Chatuon a'nthok chatuon chenin,Inpakin um raw se Amen,Amen.

---

←  Psalms (41/150)  →