Psalms (4/150)  

1. Mi tantu, ka felna Pathien, Ka ko chein mi hung don la,Beidong hunah mi thawi dam la,Zangaiin ka hnina ngai rawh.
2. Aw mihriemhai, ka'n zaumna,Ieng chen am in sukmuolpho ding?Thu teplo mei mei ngainain,Ieng chen top am khel in hnot ding?
3. Pathien chun ama ta dingin,Ama ngaisak hlak mihai chu,A ser hrang hlak ti hi hre ro.Ka ko pha LALPAN a hriet hlak.
4. In lungsen chang suol pha naw ro,In khum laizawlah to zingin,In lungrilin indap hlak ro.
5. Inthawina indik inhlanin,LALPA-ah ringna innghat ro.
6. "Thil tha kan dong theina dingin,LALPA, i hmel eng mi'n hmu rawh"Tiin tam tak chun an hni hlak.
7. Bu le uoiin an thar tam kum Neka nasain ka lungril,Hlimnain i hung sung sip a.
8. Ngai ngamin zanmu tuong ka ta,Nangma chauh hi i nih LALPA,Muongleia mi'n chengtirtu chu.

  Psalms (4/150)