←  Psalms (39/150)  →

---

1.

"Ka lam hraw en fimkhur ka ta,Suol lakah lei veng thang ka ta,Mi rilohai an um sung chun,Ka hmur khuop tlat ka tih" ka ta.

2.

Sienkhom thu tha hril der lo a,Bau phong loa ka um hlak chun,Ka lungzingna a pung zuol si.

3.

Ka lungril hi a sahal a,a dawnkhawl chang a mi hlieu a,Ka bau ka phong el tah a nih.

4.

LALPA, ka hringnun tawp hun ding,Hun ka la nei zat mi hril la,Ka nun tawizie mi'n hriettir rawh.

5.

Ka dam sung hlak kutpha bok chauh,Nangma ta di'n ieng khom an nawh,Dam sung hi thuok chen chauh a nih.

6.

Suk le tunga lawn mihriem hi,Hlim thla ang mei mei chauh a nih;Iengma lo thil a buoipui a,A neitu ding hre si loin,Rosum tinreng a khawl khawm hlak.

7.

LALPA, tu am beisei ka ta? Ka beisei chu nang chauh i nih.

8.

Bawsietna lakah mi hum la,Mi invethan nuizatbura,An mi siem ding phal lul naw rawh.

9.

I mi'n tuortir a ni leiin,Ka to tok a, bau ka phong nawh.

10.

I mi vuokna hruol la hmang la,I kut ka tuorna ka chau tah.

11.

Mi suolhai zila thununin,An hausakna hangthim angin,I'n fak siettir zo hlak si a;Mihriem hi thuok ang chauh a nih.

12.

LALPA, ka tongtai ngaithla la,Ka hnina mi lo hrepek la,Ka tap ri lo ngaithla hram rawh.Ka pi le puhai ang bokin,Kei khuolzin hin ka hung bel che,Sawtnawte cham ding ka ni hi.

13.

Liem hmanga ka bo song hma hin,Hlim taka ka um theina di'n,I hmel inthim mi'n hmutir naw.

---

←  Psalms (39/150)  →