←  Psalms (36/150)  →

---

1.

Mi rilo lungril sunga chun,Bawsietnan a biekruk hlak a; Pathien hang tina san ding reng,A mitin a hmu hrim hrim nawh.

2.

A mitah a'n hmu mawi leiin,A suolna chu hmu thei lo leTheida phak ruol lo di'n a ngai.

3.

A bau thu suok a rilo a,Inhlemna thuin a sip a,Thil tha le var a thaw ta nawh.

4.

A khum laizawla hai chen khom,Thil suol thaw ding a suongtuo a,Suol lampui hraw a tum tlat a,Suol theidana hrim a nei nawh.

5.

Aw LALPA, i hmangaina chun,Vanvelhai khi a tong vong a,I ringumnan van dum a tong.

6.

I felna chu tlang ang lienin,I'n dikna lipui ang a'n thuk.Mihriem le ramsa tinrenghai,Aw LALPA, i humhal hlak si.

7.

I hmangaina chuoi ngai lo chu,A hlutzie inkhi ruol an nawh!Mi lien mi chinhan i thla hnuoi,Bel dingin an hung pan hlak che.

8.

I ina i hnienghnarna chu,Tlai takin an hung tlan hlak a,Lawmna fiertui i'n dawntir hlak.

9.

Nang chu hringna tuikhur i na,I varah hringna var kan dong.

10.

Nangma hretuhai chunga chun, I hmangaina thla zar khum la, Lungrila mi ngilhai chungah,I felna inlangtir pei rawh.

11.

Chapohai mi sir sop ding le,Mi rilohai mi vai leng ding,Nangin phalpek hrim hrim naw rawh.

12.

En ta, mi suol ruol an tlu saw,An inthal der, an tho ta nawh!

---

←  Psalms (36/150)  →