←  Psalms (35/150)  →
1. LALPA, mi beituhai bei la,Mi dotuhai hi do ve rawh.
2. I phaw chawi a, awmphaw hakin,Mi thangpui din hung inthok rawh.
3. Fei inlet a, kawlhnam phawiin,Mi hnottuhai lo dang tlat la,"I sandamtu ka nih" tiin,Nangin ka thla hi hung huol rawh.
4. Mi that tumtuhai inzakin,Sukmuolphoin um hai sien la,Ka sietna ding phiertuhai chu,Chi-aiin tlansie hai sien la,
5. Thli len hmang bu si ang elin,LALPA angelhan hawl hmang sien;
6. Thimtham le lampui innalah,LALPA angelhan hnot raw se.
7. A san boin ka'n awkna din,Len chang arukin an kam a,Ka tlakna di'n tlakpum an cho.
8. Sietnan hung nang thut tawl sienla,An chang kamah inawk hai sien,An tlakpumah tla hlum raw se.
9. Chuongchun, LALPA-ah lawm ka ta,A sandamnaah hlim ka tih.
10. Ka lungrilin LALPA kuomah,"LALPA, nang ang tu'm an um a?An ngam lo mi hrathai lakah,Mi retheihai i san suok a,Mi rimsi le pasiehai khomAn neihai rokpektu lakah,I hum bok a" ti thei ka tih.
11. Hrepuitu der rawng tak an hung,Ka hriet lo thilah an mi sal;
12. Ka thil tha thaw tahai po po,Suolin an mi thungrul vong a,Ka thla a va'n vai ngei de aw!
13. Kei chun an damnaw chang khomin, Saiip sila bu nghei hielin,Kun zingin ka tongtaipek hlak.
14. Ka hnina don a ni naw pha,Ruol le paihai sun ang el le,Mani nu ngei sun ang hielin,Lungngaiin ka kun tlok tlok hlak.
15. Anni ruok chu ka'n sui thluk pha,Hlimin an inhawr khawm lem a, Mi bei hron di'n an pung khawm a;Hmel hriet lo misuolhai chenin,Mi dem le suosam an ma nawh.
16. Zapa nei loa mi nuisaw'n,Ha an mi rawt khum suot suot a.
17. LALPA, ieng chen am anni hi,I en thei tawl zing ding a na?Ka hringna hi keipui angaSuosamtu lakah san suok rawh.
18. Pungkhawm ropui tak hmaa chun,Lawmthu hril ngei ka ti che a,Mipui lai inpak ka ti che.
19. Mi sukse tum hmelmahai chun,Mi diriem ta naw raw hai se.San boa mi theidatuhan,Mit mi lir khum ta naw raw se.
20. Inremna thu an hril ngai nawh,Thukhela khuo le tui thahai,Hek siet dan ngot an phan ruk hlak.
21. An bau inza huoua phongin,"Eheu! Eheu! ei mit ngeiin,Ei hmu annawm!" ti'n an hril hlak.
22. Chu chu LALPA, i hmu zing a,Chuleiin, tosan tawl naw la, LALPA, nangin mi'n hlat naw rawh.
23. Tho la, mi san di'n inthok la,LALPA Pathien, mi dopek rawh.
24. I felnain thiem mi'n chang la,An mi diriem phal lul naw rawh.
25. "Ei duthusam a tlung tah ie,Ei tukdol zo der an tah hi"An mi ti ding phal lul naw rawh.
26. Ka chan siet mi diriemtu chu,Inzakin chi-ai hai sien la;Mi uongkhumtu po po khomin,Muolphona puon sil raw hai se.
27. Ka thiem changna lawmtu ruok chu,Lawm le hlimin khek suok hai sien,"A siehlaw chan thatna dittu, LALPA ropui sien" ti raw se.
28. Chuongchun, i'n dikzie hril ka ta,Sunni tinin inpak ka che.
←  Psalms (35/150)  →