| ← Psalms (32/150) → |
| 1. | A bawsiethai ngaidama um,A suolhai thaiboa um chu,A va hang hamtha lawm lawm de! |
| 2. | Suol nei loa LALPAN a ngai,Hlemna lungril nei lo mi chu,A va hang hamtha lawm lawm ngei! |
| 3. | Tong loa ka to tlat lai khan,aSunnithlak ka'n rumna leiin,Ka ru le chang a zur zo tah. |
| 4. | Sun-zana i kut rik tuorin,Thal rum angin ka tawl zo tah. |
| 5. | "Ka bawsiethai LALPA kuomah,Inpuong fai vong ka tih" ka ta;Ka suolnahai ip nei loin,I hmaah ka hung inpuong a,Chuongchun, ka suol i ngaidam tah. |
| 6. | Chuleiin, hmu thei i ni lai,Pathien ngaisak mi taphot chun,ongtaiin i hmaah kun sien,Buoina tui a lien sang pha khom,Anni chu chim phak ngai naw nih. |
| 7. | Nang chu ka'n bikrukna i na, Buoina lakah mi humhimin,Sansuokna hla'n i mi'n awi hlak. |
| 8. | "Kal chawi dan inchuktir ka che,Rem ruotpuiin enkai ka che. |
| 9. | Hriet thiemna nei lo sakor le Sabengtung ang ni ve naw rawh.Thunun dingin thirbar a ngai,Chuong naw chun, i thu zawm naw nih." |
| 10. | Mi rilohai tuor ding a sa;LALPA ringsantuhai ruok chu,A hmangaina chuoi ngai lo chun,Ieng lai khomin a huol vel hlak. |
| 11. | Aw mi felhai, LALPA-a chun,Lawm rop unla, hlim bok hlak ro;Lungril ngil puttuhai po chun,Inring takin lawm hla sak ro. |
| ← Psalms (32/150) → |