←  Psalms (31/150)  →

---

1.

Aw LALPA, nang ka hung bel che,Ka muolpho ding phal lul naw la,I ringum a, mi hum him rawh.

2.

Ka tieng hin i na hung daw la,Mi san di'n hung inthok nghal rawh;Ka'n bikna lungpui nang ni la,Mi sanhimtu kul nghet ni rawh.

3.

Ka lungpui le ka kul i na,I hming leiin mi keithuoi rawh.

4.

Nang ka'n bikna i ni leiin,Ka awkna dinga an kam ruk,Changa inthok chun mi'n suo rawh.

5.

I kutah ka thla ka'n koltir,Aw LALPA le Pathien ringum,Nangin mi hung intlan suok rawh.

6.

Tlaktlai lo mi lem betuhai,Ka theida zawng tak an ni a,Kei chu LALPA ringtu ka nih.

7.

I ngilnei leiin hlim ka ta,Ka tuor inrimzie i hmu a,Ka lungril beidongzie i hriet.

8.

Hmelma kutah mi'n hlan loin,Hmun thawvengah i mi'n thut si.y

9.

Ka bei a dong a nih LALPA, Ka chunga hin za hung ngai rawh.Lungngai leiin ka mit a'n vai,Ka taksa le lungrilhai khom,Beidongin an lo chau zo tah.

10.

Lungngainan ka nun a tuom vel,Inrumnain hun ka hmang zo,Tuor rim leia ka tha chauin,Ka ru le chang a rop zo tah.

11.

Ka hmelmahai leiin kei chu,Venghai nuizat bur ka'n chang a,Ka hmelhriethan an mi ti a,Tuolah an mi hmu chang khomin,Mi helin an mi'n relsan hlak.

12.

Thi tah angin an mi'n nghil tah,Pil bel koi dar ang chauh ka nih.

13.

An mi dem siet dan khom ka hriet,Sir tinah titnan a mi'n huol;Ka chungah thu an phierruk a,Mi sukhlum dan ding an rel hlak.

14.

Sienkhom, ka ring che, aw LALPA,Ka Pathien i nih ti ka puong.

15.

Ka hunhai i kutah a um,Ka hmelma le mi'n huoltuhaiLakah nangin mi san him rawh.

16.

I siehlaw chungah hmangainaHmel mawi chu hung inlangtirin, Lunginsietin mi san him rawh.

17.

LALPA, ka hung ko che a nih,Nangin mi sukmuolpho lul naw.Mi suolhai chu sukmuolpho la,Seolahz inliemtir diel rawh.

18.

Chapo tak le hmusit takaMi indik tong khumtuhai leKhel hril hmanghai hmur kharpek rawh.

19.

Nangma tituhai ta dinga,Thatna i khawlkhawm zozai hi,A lo va tam nasa de aw!Chuonghai chu mihai hmu ngeiah,Nangma beltuhai i vur hlak

20.

Mihaiin an phierruk changin,I angsungah i hum him a,Khela an hril siet bor bor chang,I buk sungah i thup tlat hlak.

21.

LALPA inpakin um raw se,Khawpui anga an mi'n huol lai, A hmangaina mak chuoi lo chu,Ka chungah a'n langtir si a.

22.

"I hmu loah an mi hnot suok", Thlabarin ka ti hman hiel a;Sienkhom, i thangpui ka hni chun,Nangin i mi lo ngaithlak hlak.

23.

Aw, nangni a mi thienghlimhai, LALPA Pathien chu hmangai ro, LALPAN mi ringum a huolhim,Chapohai a thungrul kim hlak.

24.

LALPA nghaktu po pohai chu, Insukhratin insukhuoi ro.

---

←  Psalms (31/150)  →