| ← Psalms (3/150) → |
| 1. | LALPA, ka hmelma pung hratin,Mi dotu an va tam sawt ngei! |
| 2. | "Pathienin san teu naw ni che"Mi titu an va tam ngei de! |
| 3. | Lalpa, nang chu ka vel tina,Mi hliekhutu phaw chu i na;Ropuina i mi'n khumtir a,Ka lu hi i chawisang hlak si. |
| 4. | Rawl tawpa LALPA ka ko chang,A tlang thienghlima inthokin,Ama chun a mi hung don hlak. |
| 5. | LALPAN a mi huolhim leiin,Zalin zanmu ka'n tuo thei a,Harin ka tho nawk hlak a nih. |
| 6. | Sir tina mi'n chantu sang tam,Hmelmahai chu ka ti der nawh. |
| 7. | Aw LALPA, nang hung tho suok la,Aw ka Pathien, mi san suok rawh.Ka hmelmahai khakah hem la,Mi rilohai ha vaw tlam rawh! |
| 8. | Sansuoktu chu LALPA a nih.I mihai mal hung sawm pei rawh. |
| ← Psalms (3/150) → |