| ← Psalms (29/150) → |
| 1. | Nangni vana mi ropuihai,vRopuina le hratna hai chu, LALPA kuomah inhlan unla, |
| 2. | LALPA hmingin a phu angin,Ropuina chu inhlan unla,Thienghlimna thuoma inbelin,LALPA Pathien chu chawibiek ro. |
| 3. | Tui chungah LALPA rawl a'n leng,Pathien ropuina a'n rum a,Tuipui chungah a'n ri dur dur. |
| 4. | LALPA rawlin thil a thaw thei,LALPA rawl chu a ropui ngei! |
| 5. | A rawlin sidar a nghor tliek,Lebanona sidar thinghai,A nghor tliek rem rum el a nih. |
| 6. | Lebanon chu bawng te angin,Sirionw chu ramsiel te angin,A'n chawm khiengtir bap bap bok a. |
| 7. | LALPA rawlin kawl a'n leptir, |
| 8. | A rawlin thlaler a nghor hning,Kadesh thlaler a'n thin buk buk. |
| 9. | A rawlin saisuo a her tliek,xRamngaw thing hna a nuoi til vong;A tempula chun "A ropui" Tiin ama chu an inpak. |
| 10. | Tuilet chunga LALPA a na,LALPA chu kumkhaw Lal a nih. |
| 11. | LALPAN a mihai sukhrat sien,LALPAN a mihai malsawmin,Remna le muongna pe raw se. |
| ← Psalms (29/150) → |