Psalms (28/150)  

1. Ka Lungpui, LALPA, ka ko che,Keima tieng na sukset naw rawh. I to zing chun ka chan ding chu,Khurpuiau tlak ang ning a tih.
2. I hmun thienghlim tieng chu nghain,I zangaina le thangpuina,Ngenin ka ban ka hung phar a,Ka hnina mi ngaithlapek rawh.
3. Suol ching mi rilohai ruolin,Mi la hmang sa ve naw hram rawh.Bau thain venghai an biek a,An sietna an zong ruk zing si.
4. An suol ang phu peiin rul la,An phu ang tawk peiin hrem rawh.
5. LALPA thilthaw le a thilsiem,An ngainep lui tlat si leiin,Anni chu sukse vong a ta,Tungding nawk hrim hrim ngai naw nih.
6. LALPA chu inpak tlak a nih,Lunginsietna ka hnina rawl,A mi lo ngaithlakpek si a.
7. LALPA ka hratna le phaw chu, Ka lungrilin a ring tlat a,A mi thangpui ngei hlak reng a,Ka lungril hlimin a'n chawm a,A kuomah lawm hla sak ka tih.
8. LALPA chu a mihai hratna,A hriek nal ta di'n humhimtu,Kulpui nghet chu a ni si a.
9. I mihai hi hung sandam la,I rochanhai mal hung sawm la,Veng tawl la, enkol kumkhuo rawh.

  Psalms (28/150)