←  Psalms (27/150)  →

---

1.

LALPA chu ka var le sandamtu,A ni leiin tu'm ting ka ta?LALPA chu ka hringnun kulpui,A ni leiin tu'm ting ka ta?

2.

Mi suolhan dol hmang mi tuma,Nasa taka an mi bei khan,A'n sui thlu le tlu se lem chu,Dotu hmelmahai an ni lem.

3.

Sipai ruolin min huol sienkhom,Ka lung phang chuong hrim hrim naw nih;Mi do hron khom ni hai sien la,Ka ringzona inphet naw nih.

4.

Thil pakhat LALPA ka hni a,hu chu a nih ka hnot tak chu:Ka dam sung a inah cheng a,LALPA hmel mawi tak chu thlir a,A tempula ama pawl hi.

5.

Beidong niin a riebukah,Ama chun mi lo hum a ta,A biekbuk rilah mi thupin,Lungpui chungah mi'n chuon a tih.

6.

Mi'n huoltu hmelmahai chungah,Ama chun mi chawi sang a ta,A biekbukah lawm hla sakin,Inthawinahai inhlan ka ta,LALPA inpaka hla sakin,A ta di'n rimawi rem ka tih.

7.

LALPA, ka ko che, ngaithla la,Za ngai hram la, mi hung don rawh.

8.

"Ka hmel hmu tum ro" i ti a, "LALPA, nang a nih ka zong tak",Tiin lungrilin ka hril a.

9.

I hmel ka lakah thup naw la,I siehlaw thangpuitu i na,Lungsenin mi nghatsan naw rawh.Aw ka Pathien le Sandamtu,Mi hnawlin mi maksan naw rawh.

10.

Nu le pa'n mi maksan sienkhom,Ka LALPAN mi lo lawm a tih.

11.

LALPA, i ditzawng mi hril la,Mi'n chantu hmelmahai leiin,Lam indikah mi thuoi pei rawh.

12.

Ka hmelmahai kut thak nulnaDingin mi'n hlan phal lul naw rawh;Khela mi beitu nunrawnghai,Ka chungah an tuong a ni hih!

13.

Hringmi lengna hi rama hin, LALPA thatna la hmung ka tih,Ti hi ka ring nghet tlat a nih.

14.

Insukhrata LALPA nghakin,Insan marin nghak fan fan rawh.

---

←  Psalms (27/150)  →