←  Psalms (25/150)  →
1. Aw LALPA, i tieng ka hung ngha,
2. Aw ka Pathien, nang ka ring che.Ka muolpho el ding phal naw la,Hmelma mi hne ban phal naw rawh.
3. A nih, nangma nghaktuhai chu,Tu khom muolpho ngai naw ni hai;Verther taka phatsantu chu, Sukmuolphoin um ngei an tih.
4. LALPA, i ditzawng mi hril la,I lampuihai mi kawkhmu rawh.
5. Ka Sandamtu Pathien i na,Nangin thuoiin mi'n chuktir la,Ka ni tin beisei nang i nih.
6. Tien a'nthoka i zangaina,I hmangaina kha nghil naw rawh.
7. Ka tleirawl lai suol le helna,Mi hre zuipek zing ta naw la;I hmangaina le thatnain,Mi hre zing lem hlak rawh LALPA.
8. LALPA chu a tha indik a,Chu lei tak chun mi suolhai khom,A lampuihai a kawkhmu hlak.
9. Mi mawlhai thutakah thuoiin,A lam indik a zirtir hlak.
10. LALPA thuthlung zawmtu ta di'n,LALPA lam tin chu hmangaina,Ringumna vonga sip a nih.
11. LALPA, ka suolna tam sienkhom,I hming leiin mi ngaidam rawh.
12. LALPA ti mi chu tum a na?A lampui dinga a ruot chu,Ama ngei chun kawkhmung a tih.
13. Thil tha tinreng chu chen a ta,A thlaha'n ram rochung an tih.
14. Ama tituhai kuoma chun,LALPAN thuruk a hril hlak a,A thuthlung khom a'n hriettir hlak.
15. LALPA tieng chu ka thlir zing a,Changin ka ke a awk khom hi,Aman mi sutpek ngei a tih.
16. Lungsietin ka tieng hung ngha la,Khawsawtin kan rim takmeu si.
17. Ka lungzingna hung sawkzang la,Buoina a'nthok mi san suok rawh.
18. Ka rimsikzie mi dawnpek la,Ka suolhai mi la hmangpek rawh.
19. Ka hmelma pung dan hi en ta,An mi theida em em dan hi!
20. Ka nun vengin mi san suok rawh,Nangma ka bel ta che leiin,Ka muolpho ding phal lul naw rawh.
21. Nangma nghaktu ka ni leiin,Indikna le ringumna chu,A mi huolhimtu ni raw se.
22. Israel hi, aw ka Pathien,Buoina po po lak a'nthokin,Nangman hung san him ngei ngei rawh.
←  Psalms (25/150)  →