| ← Psalms (24/150) → |
| 1. | Leihnuoi le a sunga umhai,Khawvel le a sunga chenghai,A rengin Lalpa ta a nih. |
| 2. | Tuipui inthuk chungah remin,Tuipui tuongah chun a'n nghat a. |
| 3. | Lalpa tlangahr tu am lawn a,A hmun thienghlima ngir ding chu? |
| 4. | Kut fai le lungril thienghlim put,Mi lem bea kun ve ngai lo,Khela inkham ngai lo mi chu: |
| 5. | LALPA malsawmna dong a ta,A Sandamtu Pathien ngei chun,Thiem inchangtir ngei bok a tih. |
| 6. | Jakob Pathien, chuong mihai chu,I hmel dittu le zongtu che,Suon le parhai chu ning an tih. |
| 7. | Ropuina Lal lut theina din,Aw kotkharhai, inhong sangin,Kotkhar hlunhai, inhong lien ro. |
| 8. | Tu am a na, Lal ropui chu?LALPA ropui le hrat khawkheng,Hnetu LALPA ngei chu a nih. |
| 9. | Ropuina Lal lut theina din,Aw kotkharhai, inhong unla,Korkhar hlunhai, inhong sang ro. |
| 10. | Tu am a na, Lal ropui chu?Iengkim LALPAs ngei chu a na,Ama chu Lal ropui a nih. |
| ← Psalms (24/150) → |