←  Psalms (21/150)  →

---

1.

I hratna leiin LALPA, Lal chu a hlim em em a,Hnena i'n khumtir leiin,A va hang lawm nasa ngei!

2.

A ditzawng i pek pei a,A hni phot i sel ngai nawh.

3.

Malsawmna tama hmuokin,Rangkachak hlir hlaka siem, Lallukhum i'n khumtir a.

4.

Hringna a hnih, i lo pek,-Kumkhuoa damna nawknghal!

5.

Hnena i'n changtir zarin,A hung ropui ta hle a;Ropuina le chawimawina,Tonlairang i'n khumtir si.

6.

Chatuon malsawmna vurin, I hmelin i suklawm hlak.

7.

Lal hin LALPA a ring a,A Chunghnungtak hmangaina,Chul ngai hrim hrim lo zarin,Inhning ngai hrim hrim naw nih.

8.

Hmelmahai chu i kutin,An rengin dap suok i ta,Chang tiengin man khawm i tih.

9.

I hung pha thuk inlingahAnni chu pei lut i ta,I lungsenna chun LALPA,Anni chu lem zo a ta,Mei chun kang hmang tawl a tih.

10.

Hnuoi a'nthokin an thlahai,Sukchimitin um an ta, An tu le tehai khom chu,Mihriem lai tiem naw ni hai.

11.

I lakah suol thaw tumin,Phierruk ieng ang hai sien khom,An tum hlawtling naw ni hai.

12.

I thala i tin pha chun,Tukkhum sonin tlan an tih.

13.

LALPA, i hratna leiin,Nang chu chawi sangin um la,I thilthawtheina ropui,Inpakin hla sak kan tih.

---

←  Psalms (21/150)  →