←  Psalms (20/150)  →

---

1.

Lungzing niin LALPAN don sien che,Jakob Pathien hmingin hum che raw se.

2.

Hmun thienghlim a'nthok santu hung tirin,Zion a'nthok hung thangpui che raw se.

3.

I thil inhlanin hriet zing hlaw sien la,I pumraw inthawi khom lo pom raw se.

4.

I lungril ditzawnghai pe sien la che,I thil tumhai chu hung hmuingil raw se.

5.

Hnena i chang pha, lawmin khek kan ta,Pathien hmingin ei puonzar khai kan tih.I hni taphot LALPAN pe raw se che.

6.

A hriek nal chu LALPAN a hum ngei hlak,Ti hi tuhin chu ka hung hriet ve tah;A san suokna kut chang tieng ngei el chun,A van thienghlim a'nthokin a hung don.

7.

Thenkhatin an tawlailir an ring a,Thenkhatin an sakor an ring a,Keini chun LALPA Pathien hming kan ring.

8.

Chuong mihai chu la tlu thal der an ta,Keini ruok chu thoin ngir nghet kan tih.

9.

Aw LALPA, lal hi hung san him ngei rawh!Kan ko pha che leh mi hung don ngei rawh.

---

←  Psalms (20/150)  →