←  Psalms (19/150)  →

---

1.

Vanhai khin Pathien ropuizie,Puongin an inhriettir hlak a,Boruok zau tak khin a kutsuok, An tlang insampui hlak a nih.

2.

Sunni tinin an puong suok a,Zan tin a thiemzie an suklang;

3.

Kam le thuin an hril naw a,An rawl hriet ding a um bok nawh.

4.

Sienkhom an rawlin hnuoi a fang,An thuin kawl kil a deng suok.Chung thangvan sanga khin puonin,Ni ta dingin a zarpek a.

5.

Pindan a'nthok inhmaw tak a,Moneitu a hung suok ang le,Phur taka mi hrat tlan angin,

6.

Sak kawlrawnah ni a suok a,Thlang kawlrawn panin a'n her a,A lumna hre lo an um nawh.

7.

LALPA dan chu a famkim a,Thlarau hringna a sukhar hlak.LALPA thusuok chu a chieng a,Mi mawlhai khom a sukvar hlak.

8.

Lalpa zirtirna a'n dik a,Lungrilah hlimna a pek hlak.Lalpa thupek a eng mawi a,Lungril mithai a sunvar hlak.

9.

LALPA ti chu a felfai a,A dai sawt hlak, kumtluong chenin.LALPA thusuok chu a'n dik a,Arengin a fel indik hlak.

10.

Rangkachak nekin a hlu lem,A tha inhlir tak nek khomin.Khuoizu nekin a thlum lem a,Khuoi thlara far thla nek khomin.

11.

Chuong chu i siehlaw i kawk hmu,A zawmtu din lukhawng a tam.

12.

Sienkhom mani thaw suolhai chu,Tuin am inman suok a ta?Suol palna lakah mi hum rawh.

13.

Chapona lakah mi veng la,Ka chungah thu inneitir naw.Chuongchun dem kai lo hung niin,Bawsietna nasa tak lakah,Hung fihlim thei ve tang ka tih.

14.

LALPA, ka Lungpui le Tlantu,Ka kam thu suok tinrenghai leLungrila ka dawnkhawlhai chu,I hmaah pom tlak ni raw se.

---

←  Psalms (19/150)  →