←  Psalms (17/150)  →

---

1.

LALPA, ka'n dikzie hrein,Ka hnina rawl lo ngai tam!Ka tongtaina ngaithla rawh,Hmur khelhlipa suok an nawh.

2.

Ka thiemzie tarlangna chu,Nangma a'nthok ngei ni sien,I mit ngeiin mi'n chieng rawh.

3.

Zana chen khom mi fiein,Ka lungril hi hung dap la,Mi enfie vong khom ni la,Ka suolna hmu naw ti nih-Ka hmur inkhap suol naw nih.

4.

Mihai thilthaw zui loin,I bau thu suok zawm lemin,Inpawngnek ka ching ve nawh.

5.

I lampuiah kal chawiin,Ka sir khom a'n phet ngai nawh.

6.

Aw LALPA, ka ko che hi,I mi don ding a'n leiin;Ka tieng i na hung dawin,Ka hnina hi ngaithla rawh.

7.

I hmangaina chul lo chu,Mak takin mi'n hmutir rawh,I chang tieng beltuhai chu,Hmelma lakah i hum hlak.

8.

I mit nauleng ang elin,Nangin mi veng him tlat la,I thla hnuoiah mi thup rawh-

9.

Mi rilo, mi beituhai,Ka vela mi'n huol khumtu,Doral tium laka chun.

10.

Lunginsietna an nei nawh,An bau suok a chapo bok;

11.

Ka hnung an hung sui suok a,Tu hin an mi'n huol khum a,Mi the thluk dan an melkai.

12.

Sakeibaknei ang boka,Mi pot chen ve vong chakin,Keipui angin an mi'n chan.

13.

Aw LALPA, nang hung tho la,Hmasonin suktlawm tawl la,Mi rilohai laka hin,I kawlhnam chun mi humin,Ka hringna hung san suok rawh.

14.

Aw LALPA, ka hringnun hi,Hi khawvel dam sung huna, Lawmman beiseihai lakah,Nangman hung san suok hram rawh.I ditsak mihai ruok chu,An phingpui hrai tlai zing la;An nauhai hnienghnar hai sien,An suonhai ta ding chenin,Hausakna khawl khawm raw se.

15.

Kei ruok chun felna leiin,I hmel chu la hmung ka ta;Nangma angna chu neia,Ka thanghar hun ve pha chun,Lungawi takzet tang ka tih.

---

←  Psalms (17/150)  →