←  Psalms (16/150)  →

---

1.

Aw Pathien, ka hung bel che,Nangin mi lo humhim rawh.

2.

"Ka Lalpa chu nang i nih,Nang chauh ka ta di'n i tha"Tiin LALPA ka hril a.

3.

Hnuoia mithienghlimhai hi,An ropuiin ka lawm tawl.

4.

Pathien dang hnottuhai chu,An lungngaina pung a tih.An thisen inhlan ang chu,Inhlan ve ngai nawng ka ta,An pathien hming lam naw ning.

5.

LALPA, ka ro chanpuol ding,Ka no ding i mi ruotpek a,Ka chan khom i suknghet tah.

6.

Ram tha i mi rochung a,Ramri i mi khangpek a,Ka chan a ditum takzet.

7.

Rem iengkim mi ruotpektu, LALPA chu inpak ka tih;Zana chen khom lungrilah,hu a mi zirtir hlak si.

8.

Ieng lai khomin ka hmaah, LALPA a um zing hlak a,Ka chang tieng a um leiin,Inhning ngai hrim hrim naw ning.

9.

Chuleiin ka lung lawmin,Ka thla a hlim em em bok,Ka taksa khom muong takin,Chawl hadam thei tang a tih.

10.

Ka thlarau chu Seolah,Maksan phal ngai nawng i ta,I Mi Thienghlim chun hmon hmel,A hmu ding phal naw ti nih.

11.

Hringna lam i mi kawkhmu,I bulah lawmna a kim,I chang tieng chun inhoina,Chatuonin a um si a.

---

←  Psalms (16/150)  →