| ← Psalms (147/150) → |
| 1. | Haleluia.Zaia Pathien chawimawi a va tha de!Inpak a phu, chawimawi an hoi bok si. |
| 2. | LALPAN Jerusalem a'n din thar a,Israel tlan darhai a thuoi khawm a. |
| 3. | Lungril na ngawi ngawihai a thawi dam a,An hliemhai chu puonin a tuompek hlak. |
| 4. | Arasi um zat a hriet fai vong a,An rengin an hmingin a ko seng a. |
| 5. | Ei LALPA chu a ropui em em a,Thilthawtheina mak takin a sip a,A hrietthiemnan tawpintai a nei nawh. |
| 6. | LALPAN inngaitlawmhai a chawisang a,Mi suolhai chu hnuoiah a the thluk hlak. |
| 7. | Lawm hla sakin LALPA inpak unla,Tingtang leh ei Pathien chu chawimawi ro. |
| 8. | Vanah sum a zar, khuongruo an surtir,Tlanga hai hlo hna hring an mawngtir a,Mihriemhai fak ding thlai hringhai chenin.d |
| 9. | Ramsahai pet ding hlo hna a pek a,Vaak te phingtam inhram chen a chawm. |
| 10. | Sakor tha hratna a ngaisang naw a,Mihriem tha hratna a ngaisang bok nawh. |
| 11. | LALPA chun ama tituhai a lawm,A ngilneina beisei tlattuhai chu. |
| 12. | Aw Jerusalem, LALPA chawisang la,Aw Zion, i Pathien chu inpak rawh. |
| 13. | I kul kot kalna thir tluon a sukdet,A sunga cheng i mihai mal a sawm. |
| 14. | I ramrihai khom a sukralmuong a,Bu inhnik tak elin a chawm tlai che. |
| 15. | A thupekhai hnuoi chungah a puong a,A thupekhai chu an tlanpui nghal a. |
| 16. | Sahmul pha angin vur a'n tlaktir,Vut anga paw uoiin zil an tlaktir. |
| 17. | Lungte angin riel an tlaktir chur chur,Thli dei hrang chu tunam tuor zo an ta? |
| 18. | Thu a pek a, vur chu an tui ral a,Thli an hrangtir a, tui chu a luong a. |
| 19. | Jakob kuomah a thu chu a puong a,A dan thusuokhai chu Israel kuomah. |
| 20. | Chu chu hnam danghai lai a thaw ngai nawh,A thurelhai khom an hriet ngai bok nawh.Haleluia. |
| ← Psalms (147/150) → |