Psalms (146/150)  

1. Haleluia,Aw ka hringna, LALPA chu inpak rawh.
2. Ka dam sung po LALPA inpak ka ta,Ka damlai ni hi a tlak hma khat chu,Ka Pathien chawimawiin hla sak ka tih.
3. Lalhai chungah ringna innghat naw rawh,Hringmihaiin an sandam thei naw che.
4. An thuok tawp pha pilah an kir nawk a;An thil tum khom iengma lo a chang hlak.
5. Jakob Pathien, thangpuitua nei a,LALPA a Pathien chunga beiseina,Innghat hlaktu chu mi hamtha a nih.
6. Ama chun hnuoi le vanhai a siem a,Tuifinriet le a sunga umhai leh.A thu chu kumkhawtluongin a vong hlak.
7. Neksawrhai thu fel taka relpekin,Phingtamhai kuomah fak ding a pek hlak.LALPAN intanghai po po khom a'n suo.
8. LALPAN mitdelhai mit a sukvarpek.LALPAN lungngaia kunhai a kei har.LALPAN mi indikhai chu a hmangai.
9. LALPAN mikhuolhai chu a veng hlak a,Fahra le hmeithai hai a somdawl a,Mi suolhai lampui ruok chu a kharpek.
10. LALPA chu kumkhuoin inlal a tih,Aw Zion, suon tina i Pathien chu.Haleluia.

  Psalms (146/150)