←  Psalms (144/150)  →

---

1.

Ka Lungpui LALPA inpak ro,Indo dan a mi'n chuktir a,Ral tawn dan a mi'n chuktir bok.

2.

Ka Pathien dit, ka kulpui nghet,Ka kulbing sang, ka'n humhimna,Ka phaw le ka himna a na,Hnam danghai le ka mihai khom,Ka thuhnuoia sietu a nih.

3.

Mihriem hi iem a na LALPA,I ngaituo em em hlak a na?Mihriem naupa khom iem a na,Hieng ang khopa i'n voi el hi?

4.

Mihriem hi thuok ang chauh a na,A dam sung khom hlim thla anga,Ral nawk el hlak ang hi a nih.

5.

Aw LALPA, vanhai kei kur la,Nang khom hnuoiah hung tum thla la,Tlanghai them la, khu lui lui sien,

6.

Tekin hmelmahai deng dar la,I thal kap la, tlan se raw se.

7.

Van sanga inthok zuk ban la,Tuipui inthuka inthokin,Mi la suokin mi san him rawh,Hnam danghai kuta inthokin.

8.

Chuong mihai chu an khelhlip a,Inhlemnan kut chang tieng an phar.b

9.

Tingtang hrui sawm rimawi remin,I ta din hla thar sak ka tih;

10.

Lalhai kuomah hnena i pek,I siehlaw Davida ngei khom,Kawlhnam ngei a'nthok i san him.

11.

Hnam danghai kuta inthokin,Mi san suokin mi hum him rawh. Chuong mihai chu an khelhlip a,Inhlemnan kut chang tieng an phar.

12.

Kan naupahai tleirawl hunah,Thing tuoi ang inthang duong hai sien,Kan naunuhai khom lal in ban,Mawi taka ker ang ni raw se.

13.

Kan bu inhai chu vum hnurin,Thlai ra tinrengin sip sien la,Kan rama kan beramhai khom,A sang a singin pung hai sien,

14.

Kan bawngchalhai thau tha raw se.Hlamzuia pieng um naw hai sien,Kan kotthlerah beidong khek ri,Hriet ni naw hrim hrim bok raw se.

15.

Chuong anga malsawmna dongtu,Hnamhai chu an va hamtha de!Pathien, LALPA-a neitu chu,Hnam vangnei le hamtha an nih.

---

←  Psalms (144/150)  →