←  Psalms (143/150)  →

---

1.

LALPA, ka tongtai ngaithla la,I ringum leiin ka hnina, I na sitin ngaithla hram la,I'n dik leiin mi hung don rawh.

2.

I siehlaw chungah rorelna,Potchat inhmawpek naw hram rawh,I hmaah hringmi tu el khom,Thiem chang thei ding an um si nawh.

3.

Hmelmain a mi pel zing a,The thluin a mi sop ziel a,Tiena tlanga fam tah angin,Hmun thim a mi'n nghaktir a nih.

4.

Chuleiin ka thla a ngui a,Ka lungril a chi-ai a nih.

5.

Hun liem ta hnung ka thlir kir a,I thilthawhai sui neu neuin,I kutsuokhai ka dawnkhawl hlak.

6.

I tieng ka kut ka hung phar a,Hnuoi char, tui ngaia dang inhilAngin ka thla hin a ngai che.

7.

Aw LALPA mi hung don vat rawh,Ka thla a chau hawp a ni hi!Ka lakah i hmel thup naw rawh,Chuong an naw chun khuorkhurumaTla ang el ka ni ding a nih.

8.

I hmangaina chuoi ngai lo chu,Tuk tinin mi'n hriet nontir la,Ka ringsan tak chu nang i na,Ka lam hraw ding mi kawkhmu rawh,Ka thla i tieng a hung ngha hi.

9.

Ka hmelmahai kut a'nthokin,LALPA, nangin mi san suok la,Nang chu ka'n bikna i ni si.

10.

I ditzawng thaw mi'n chuktir la,Nang chu ka Pathien i ni si.I thlarau ditum tak el chun,Lam tluong zalah mi thuoi pei rawh.

11.

I hming leiin aw ka LALPA,Ka hringnun hi mi humpek la,I felnain buoina tinrengA'nthok nangin mi san suok rawh.

12.

I hmangaina chuoi ngai lo chun,Ka hmelmahai vaw dei vong la,Mi dotuhai sukchimit rawh,Nangma siehlaw ka ni si a.

---

←  Psalms (143/150)  →