←  Psalms (141/150)  →

---

1.

Aw LALPA, ka ko che hi,Ka kuom tieng hung inhmaw la,Ka kona rawl ngaithla rawh.

2.

I hmaah ka tongtaina,Rimtui inhnik chang sien la,Ka kut phar hi zan tiengaThilhlan angin lo pom rawh.

3.

Aw LALPA, ka bau veng la,Ka hmur inkhap khom veng rawh.

4.

Ka lungril hin suolna tieng,Awn lo dingin veng tlat la;Mi suolhai lai inzel a,Suol thaw dingin phal naw la;Mi suolhai ruoi thenaah,Ka kil ve phal bok naw rawh.

5.

Mi fel le mi indik chun,Vawin mi thunun raw se;Mi rilo ruok chun hriek khom,An mi nal ka nuom der nawh,An thil thawhai chu do a,Tongtai zingtu ka ni si.

6.

Rawlah an roreltuhai,Nam thlaka an um pha chun,LALPA thu lo indikzie,Mi rilohan hrieng an tih.

7.

Leilettun lei an let a,Pil a hrut dar phung ang hin,An ruhai thlan ko tlangah,La'n chek dar nuoi veng a tih.z

8.

Aw ka LALPA le Pathien,Nang chauh ka en zing che a,Nangma ka hung bel che a,Saruokin mi maksan naw.

9.

Ka awkna dinga an kam,Mi suolhai chang a'nthok chun,Nangin mi hung veng him rawh.

10.

Keiin ka pumpel laiin,Mi suolhai chu an changah,Inawk vong lem raw hai se.

---

←  Psalms (141/150)  →