←  Psalms (140/150)  →

---

1.

Mi suol lak a'nthok LALPA,Nangin mi hung san suok la,Mi nun rawnghai laka chun,Nangin mi hung humhim rawh.

2.

An lungrilin ieng lai khom,Thil suol thaw an tum zing a,Ni tin buoina an chok suok.

3.

An lei rul lei ang a ngei,An hmur rul turin a sip.

4.

Mi suol lak a'nthok LALPA,Nangman vengin mi hum la,Mi sukthlu tum nunrawnghaiLaka inthok mi hum rawh.

5.

Chapohan mi awk tumin,A rukin chang an kam a,Ka khan hrawah len zarin,Lampui tluonin chang an kam.

6.

"Ka Pathien chu nang i nih"Tiin LALPA ka hril a.Aw LALPA, zangaina hni'n,Ka ko che, mi ngaithla rawh.

7.

Aw ka Lal le ka Pathien,Sandamtu hrat le ka phaw,Doral laka mi humtu-

8.

Mi suolhai duthusam chu,Inhlawtling tir naw LALPA;An tum i'n hlawtlingtir chun,Chapo pal hlauh rawi an tih.

9.

Mi'n huoltuhai lu chungah,An mi vauna chu tla sien;

10.

An chungah meiling surin,Khuorkhurumah tla sien la,Hung suok nawk ta naw raw se.

11.

Mi sietna hriltuhai chu,Hnuoia hin hlawtling naw sien,Nunrawnghai chu sietnain,Hnotin nang ching tawl raw se.

12.

Mi retheihai chu LALPAN,A tan rop hlak ti ka hriet,Pasiehai ta dingin ro,Indik takin a rel hlak.

13.

Mi indikhai chun lawmin,I hming inpak ngei an ta,Mi nun ngilhai i bulah,Chengin khawsa hlak an tih.

---

←  Psalms (140/150)  →