←  Psalms (139/150)  →

---

1.

Aw LALPA, nang chun ngun takaMi dap suokin i mi hriet vong.

2.

Ka thung ka ngirhai i hriet a,Ral hla taka inthok khomin,Ka ngaituohai i hmu tlang vong.

3.

Ka fena le ka chawlna hai,Nangin iengkim i hmu vong a,Ka um dan po po i hriet chieng.

4.

Ka hril hma khomin aw LALPA,Ka hril ding po po i hriet vong.

5.

Ka hma thuoiin ka hnung i dal,I kutin i mi hum tlat hlak.

6.

I mi hriet chik dan makzie hi,Ka ta di'n sui suok ruol an nawh.

7.

I Thlarau kuoma inthokin,Khaw lai am fe hmang thei ka ta?I hmu phak loah khaw lai am,Tlan hmang thei hrim hrim ka ta le?

8.

Vanah lawn lang, nang i um a,Seolah zalna zu rem lang,Chu taka khom chun i um si.

9.

Zing thla putin inleng lang khom,Tuipui kilah hmun khuor lang khom,

10.

I kutin mi lo thuoi i ta,I chang tieng chun mi chel i tih.

11.

"Inthimin mi thup tlat a ta,Ka vela varhai chu zanin,Inchang a tih" ti ding ni lang,

12.

Thim chu i ta di'n thim an nawh,Zan hi sun angin a var a,Thim le var hi i ta dingin,Thil thuhmun char an ni si a.

13.

Ka taksa bung tin i siem a,Ka nu sulah i mi rem khawm.

14.

Mak tak le rapum taka siem,Ka ni leiin lawmthu ka hril,I thilthaw makzie ka hriet chieng.

15.

Aruka siem ka ni lai a,Hnuoi rila i mi rem khawm lai,Ka rurel iengkim i lakah,Thup hrim hrim a um der naw kha.

16.

Ka ruongam la kim lohai chu,I mitin i hmu fai vong a,Ka nihai an tan hma daiin,Ka dam sung hun dinga ruot chuI lekhabuah a chuong vong.

17.

Aw Pathien, i ngaituona chu,Ka ta dingin a va hlu de!A reng lem chun, a ropuiin,A va hang nasa awm de aw!

18.

Tiem ding ni lang, a tam tieng chuPhaiphin nekin tam dai a tih.Tiem zo ding chun, i dam kum zat,Keikhom ka dam ve ngai a tih.y

19.

Mi rilohai hi aw Pathien,Sukbohmang tawl la ka ti de!Nangni thisen insuo hmanghai,Hla takah mi zamsan dai ro.

20.

Suol takin an hril siet che a,Dotuhan i hming an hmang suol.

21.

A theidatu che chu LALPA,Ka theida ve naw am a ni?I chunga helhai chu LALPA,Ka tirdak tawl naw am a ni?

22.

Theida takte'n ka theida a,Hmelmaah ka ruot tawl a nih.

23.

Aw Pathien, mi dap fai kel la,Ka lungril hi hre tlang vong rawh.Ka ngaituona po po fie la, Nangin iengkim hre fai vong rawh.

24.

Keimaa hin ritlona hrim,A um le um naw en chieng la,Chatuon lampuiah mi thuoi rawh.

---

←  Psalms (139/150)  →