| ← Psalms (137/150) → |
| 1. | Babulon va kamah hai,Chu chun inthungin kan tap,Zion kan dawn kir changin. |
| 2. | Phahram zar thing lera hai,Kan tingtang bing ang kan khai. |
| 3. | Sala mi mantuhai chun,"In Zion hla pakhat bek,Mi sakpek ro" ti'n an ngen;Mi neksawrtuhan hlim zai,Vawr dingin an mi phut bok. |
| 4. | Ieng tin am singkhuol ramah,LALPA hla sak lul kan ta? |
| 5. | Aw Salem, ka nghil che chun,Ka kut chang hin a thil thiem,Arengin theinghil raw se, |
| 6. | Ka lo theinghil pal che a,Jerusalem neka hlut,Thil dang ka nei ngai hrim chun,Ka lei ka dangah kop sien.x |
| 7. | Jerusalem siet ni a,"Sukchim ro, sukchim vong ro,A lungphum chen sukchim ro"Tia Edomhai khek kha,Theinghil ngai naw rawh, LALPA. |
| 8. | Siet hmasuon zing, Babulon,Ka chunga i thaw anga,Rultu che chu a hlim awm! |
| 9. | I nautehai lakpek a,Lung vuoknaa hmangtu chu,A va hlim nasa awm de! |
| ← Psalms (137/150) → |