←  Psalms (136/150)  →
1. LALPA a that em leiin,A kuomah lawmthu hril ro.Ngil a nei kumkhuo si a.
2. Pathienhai pathien a nih,A kuomah lawmthu hril ro.Ngil a nei kumkhuo si a.
3. Lal po pohai Lal a nih,A kuomah lawmthu hril ro,Ngil a nei kumkhuo si a.
4. Thil mak thawtu um sun chun,Ngil a nei kumkhuo si a.
5. Varnaa van siemtu chun,Ngil a nei kumkhuo si a.
6. Tui chunga hnuoi phatu chun,Ngil a nei kumkhuo si a.
7. Var ropui tak siemtu chun,Ngil a nei kumkhuo si a.
8. Sun lala ni siemtu chun,Ngil a nei kumkhuo si a.
9. Chung sorthla le si-ar hai,Zan engtua siemtu chun,Ngil a nei kumkhuo si a.
10. Aigupta nau lutirhai,An renga sukhlumtu chun,Ngil a nei kumkhuo si a.
11. Anni kuta inthokaIsrael thuoisuoktu chun,Ngil a nei kumkhuo si a.
12. Kut hrat phara humtu chun,Ngil a nei kumkhuo si a.
13. Tuipui Sen vaw tantu chun,Ngil a nei kumkhuo si a.
14. Chu tuipuia inthokaIsraelhai thuoikaitu chun,Ngil a nei kumkhuo si a.
15. Faraw le a sipaihai,Tuipui inlemtirtu chun,Ngil a nei kumkhuo si a.
16. Thlaler ramhai fe thleng a, A mihai thuoisuoktu chun,Ngil a nei kumkhuo si a.
17. Lal lienhai tukdoltu chun,Ngil a nei kumkhuo si a.
18. Lal hrat tam tak thattu chun,Ngil a nei kumkhuo si a.
19. Amor lal Sihon thattu'n,Ngil a nei kumkhuo si a.
20. Basan lal Oga thattu'n,Ngil a nei kumkhuo si a.
21. An ram inrochungtirtu'n,Ngil a nei kumkhuo si a.
22. A siehlaw Israel kuomaChuong ang rochan petu chun,Ngil a nei kumkhuo si a.
23. Ei ngirhmun a siet laia,Mi theinghil ngai nawtu chun,Ngil a nei kumkhuo si a.
24. Hmelma laka mi humtu'n,Ngil a nei kumkhuo si a.
25. Hring tin fak ding petu chun,Ngil a nei kumkhuo si a.
26. Chung thangvana Pathien chu,A kuomah lawmthu hril ro,Ngil a nei kumkhuo si a.
←  Psalms (136/150)  →