| ← Psalms (129/150) → |
| 1. | Israel chun hieng hin ti sien-Ka tleirawl lai a'nthokin,An mi va sukrimsi de! |
| 2. | An mi soisak hlea chu,An mi tukdol thei si nawh. |
| 3. | Leilettu changkuong angin,Ka hnungzang an ritna chu,A ser an thlur seng sung a. |
| 4. | LALPA ruok chu a'n dik a,Mi suolhai mi khuopna hruol,Sat tanin a mi'n suo a. |
| 5. | Zion theidatuhai chu,Muolphoin kir raw hai se. |
| 6. | A'n thang lien hmaa vuoi hlak,In chunga hlo to ang hin,An rengin um vong raw se. |
| 7. | Chuong ang chu bu siktuin,A sik khawm ngai der naw a,Buphal inteltu khomin,An intel sa ngai bok nawh. |
| 8. | A bula inlonhaiin,"LALPAN malsawm sienla cheu,A hmingin mal kan sawm cheu"Ti ngai hrim hrim naw raw se. |
| ← Psalms (129/150) → |