←  Psalms (119/150)  →

---

1.

Soiselbohai chu an hamtha,LALPA dan lam hrawtuhai chu.

2.

A thu zawmtuhai an hamtha,Lungril taka zongtuhai chu.

3.

Thil indik lo an thaw ngai nawh,A lamah kal an chawi leiin.

4.

I thuruothai chu i mi pek,Zawm ngei dinga i tihai chu.

5.

I danhai chu ringum takaZawmtu ni thei ve lang chu maw!

6.

I thupekhaiah ka'n bur chun,Muolpho ngai hrim hrim naw ningah.

7.

I dan felziehai ka'n chuk pha,Lungril ngilin inpak ka che.

8.

I dan thuhai zawm pei ka tih,Mi zamsan ngai hrim hrim naw rawh.

9.

Tleirawlhan ieng tin takin amAn nun vong thienghlim thei an ta?I thu angin khawsa hai sien.

10.

Lungril takin ka zong che a,I thu ka petsan phal naw rawh.

11.

I chungah suksuol lo dingin,I thu lungrilah ka khawl khawm.

12.

Inpakna chu chang la LALPA,I dan thuhai mi'n chuktir rawh.

13.

I kam suok danhai po po kha,Bauin ka'n sam non ngat ngat hlak.

14.

Mihan sum hau an lawm anginI dan thu zawm hi ka hlimpui.

15.

I danhai chu ka dawnkhawl a,I lampuihai khom ka sui hlak.

16.

I thu suok ka lawmzawng a na,I thu ngaitha ngai naw ningah.

17.

I siehlaw chunga hin tha la,I thu zawma ka hringna din.

18.

Ka mit mi hung sukvarpek la, I dan makzie hmu thei ka tih.

19.

Hnuoia hin khuolzin chauh ka na,Ka lakah i thupek thup naw.

20.

Ieng lai khomin ka thlarau hi,An vel ruoi, i dan hriet chakin.

21.

I zil hlak chapo, tongsephur,I dan poisa nawtuhai chu.

22.

I thupekhai ka zawm leiin,Mi hmusit le cheksolnahaiLaka inthok mi siekieng rawh.

23.

Lalhan ka sietna zong sienkhom,I siehlaw hin i danhai chu,Ngaituoin dawnkhawl zing a tih.

24.

I dan thuhai ka hlimpui a,Ka ta di'n remruottu an nih.

25.

Pilvutah ka'n tal zing el a,I thu angin mi sukhar rawh.

26.

Ka um dan ka'n zawt, i mi don, I dan thuhai mi'n chuktir rawh.

27.

I thu zirtir ka hriet thiem chun,I thilmak thaw dawnkhawl ka tih.

28.

Ka thla lungngaiin a chau a,I thu angin mi sukhrat rawh.

29.

Lam dik lo ka hraw phal naw la,Zangaiin i dan mi hril rawh.

30.

Thutak lampui ka thlang tah a,I danah ka lungril ka'n nghat.

31.

I dan thuhai ka chel nghet a,LALPA, mi sukmuolpho lul naw.

32.

I thupek ang takin ka tlan,Ka hrietthiemna khom i sukpung.

33.

LALPA, i danhai mi hril rawh,Ka zawm kim vong theina dingin.

34.

I dan ka zawm theina dingin,Hriet thiemna lungvar mi pe la,Lungril po poin zawm ka tih.

35.

I thupekhai mi'n zawmtir la,Chu chu ka lawmzawng tak a nih.

36.

I dan thu tieng mi'n nghattir rawh,Mani tanghma tieng ni loin.

37.

Thil hmang lo tieng thlir lo dingin,Ka mithai mi'n lakkirtir la,I thu angin ka nun vong rawh.p

38.

Nangma tituhai i tiem kha,qI siehlaw kawla hin hlen rawh.

39.

Hming siet kan launa la hmang rawh,I danhai chu a tha si a.

40.

I dan thuhai ka ngaina a,I felnan ka hringnun hum rawh.

41.

I ngilneina chuoi ngai lo leI lo tiem tah sandamna chu,Aw LALPA hung inlangtir rawh.

42.

Mi elsentu don let ka tih,I thu ka ringsan tak a nih.

43.

Thudik tak mi'n hriltir pei la,I dan kan nghatna a ni si.

44.

I danhai chu zawm pei ka tih,Chatuon, chatuon, chatuon chenin.

45.

I dan thu zongtu kan leiin,Zalen takin leng tang ka tih.

46.

Lalhai hmaah i dan thuhai,Puongin inhriettir hlak ka ta,Muolpho ngai hrim hrim naw ningah.

47.

I thupek zawm inhoi ka tih,Ka thil chak zawng tak a ni si.

48.

I thupek inza'n ka ngaina,I danhai ka dawnkhawl rop hlak.

49.

I siehlaw kuoma i thu tiem,Ka beisei innghatna chu nghil naw.

50.

Ka nun vong him i'n tiemna chu,Tuor laia ka'n hnemna a nih.

51.

Chapohan an mi deusaw zing,Sienkhom i dan ka petsan nawh.

52.

Tiena i dan thupekhai chu,LALPA ka hriet, ka thlamuongpui.

53.

I dan poisa lo mi suolhai,Ka hmu chang ka lung a sen hlak.

54.

Ka'n lawina ieng run sunga khom,I danhai hi ka hla a nih.

55.

Zanah i hming ka'n nghil ngai nawh,I danhai ka zawm zing, LALPA.

56.

I dan thuhai ka zawm leiin,Malsawmna ka dong a ni hih.

57.

LALPA, nang ka chanpuol i na,I thu zawm dingin ka'n tiem tah.

58.

I lawmzawng theitawpin ka zong,I tiem hmel hlim mi'n hmutir rawh.

59.

Ka um danhai ka ngaituo a,I dan zawm dingin kal ka pen.

60.

I thupekhai muongchang loa,Zawm nghal dingin thang ka lak tah.

61.

Mi suolhan mi khuop de sienkhom,I dan thuhai ka'n nghil ngai nawh.

62.

I danhai chu a'n dik leiin,I kuomah lawmthu hril dingin,Ka zuong tho hlak, thangrila khom.

63.

Nangma tituhai ruol ka na,I dan thu zawmtuhai po leh.

64.

I hmangainan hnuoi i'n khum a,LALPA, i dan mi zirtir rawh.

65.

LALPA, i siehlaw chunga hin,I thu angin i thaw tha hlak.

66.

I thupekhai ka ring leiin, Varna le hrietna mi tu rawh.

67.

Ka tuor hma khan ka'n vak hmang hlak,Tu hin chu i thu ka zawm tah.

68.

Nang chu i tha, i thilthaw khom,I danhai chu mi'n chuktir rawh.

69.

Chapohan khelin an mi bei,Sienkhom i dan ka zawm tal hlak.

70.

An lungril ngarin a chawlol,Kei chun i dan ka hlimpui si.

71.

Ka tuor hi ka ta din a tha,I danhai hriet phana'n ka hmang.

72.

Rangkachak, tangkaruo sang tam,Nekin i thu a hlu lem si.

73.

I kuta siemin i mi'n din,I thupek ka'n chuk theina di'n,Hrietthiemna lungril mi pe rawh.

74.

Nangma titu'n mi hmu'n hlim sien,I thu ka beisei tlat leiin.

75.

I dan a'n dik ka hriet LALPA,I ringum leia tuor ka nih.

76.

I siehlaw thu i tiem ang khan,I hmangainan mi thlamuong sien,

77.

I zangainan mi'n hringtir la,I dan ka lawmzawng a ni si.

78.

Khela mi hektu chapohai,Sukmuolphoin um hai sien la,Kei chun i thu dawnkhawl ka tih.

79.

Nangma titu chun i danhai,Hre di'n ka tieng hung ngha raw se.

80.

I dan zawm thuah fai var lang,Muolphona tuok ngai naw ningah.

81.

I mi sandamna chu ngaiin,Ka thla hi a'n uoi ngawi ngawi a,Sienkhom i thu ka beisei tlat.

82.

I thu tiem ka thlirna lamah,Ka mit khom a'n vai zo tah a,"Ieng tik am i mi thlamuong ding?"Tiin ka'n don ka'n don hlak a.

83.

Savun ip tawng, inting kai hnung,Ang chauh lo inchang tah lang khom,I danhai ka theinghil ngai nawh.

84.

Mi sukdudatuhai chungthu,Ieng tik top am relpek i ta?Ieng chen top am i siehlaw hi,I la'n nghaktir pei ding a na?

85.

Chapohai chun i dan kalin,Ka tlakna ding khur an cho hi.

86.

I thupek po po ring a um;Anni chun khelin an mi bei,Nangin mi hung thangpui vat rawh.

87.

Hnuoi a'nthok an mi'n ram hman vang,Sienkhom i dan thu ka'n thla nawh.

88.

I zangaina'n ka nun hum la,I thuhai chu zawm pei ka tih.

89.

Aw LALPA van sanga hai khin,I thu chu um kumkhuong a tih.

90.

I ringumna a pangngai zing,Suon la hung pei dinghai lai khom;Hnuoi i'n ngir nghet, a um ta zing.

91.

I danhai khom an la ngir zing,Iengkim hi i siehlaw an nih.

92.

I danhai hlimpui ni naw lang,Rinum tuorin fam tang ka tih.

93.

I dan thuhai nghil thei naw ning,Chuonghai hmang chun ka nun i hum.

94.

I ta ka nih, mi sandam rawh,I dan thuhai zongtu ka nih.

95.

Mi riloha'n mi that tumin,Mi'n chan ruk zing hai sienlakhom,I dan thuhai ka ngaituo hlak.

96.

Thil famkima ngaihai khomin,Tawp chin an nei vong ti ka hriet,I thupek ruok chun a nei nawh.

97.

Aw, i dan ka va ngaina ngei!Ni tin ka dawnkhawl hlak a nih.

98.

Ka vong tlat hlak, i thupek chun,Hmelma nekin a mi sukvar.

99.

Mi'n chuktirtu nekin ka'n thuk,I thuhai ka dawnkhawl leiin.

100.

Upahai nekin ka hriet ril,I dan thuhai ka zawm leiin.

101.

I dan thu ka zawm theina din,Suol lampui hrim ka sir ngai nawh.

102.

I dan thu ka petsan ngai nawh,Nangin i mi'n chuktir leiin.

103.

Ka bauah i thu a'n hnik ie,Khuoizu hning nekin a thlum lem.

104.

I thu'n hriet thiemna a mi pek,Suol kong hrim hrim ka theida vong.

105.

I thu hi ka ke di'n khawnvar,Ka lampui elvartu a nih.

106.

I dan indik chu zawm dingin,Thu intiemin ka namnghet a.

107.

LALPA, ka tuor nasa ta em,I thu angin mi sukhar rawh.

108.

LALPA, ka'n pakna che pom la,I dan thuhai mi'n chuktir rawh.

109.

Ka nuna mawphurtu ka na,rI Danhai theinghil nawng ka tih.

110.

Mi suolha'n chang an mi kam khum,Sienkhom i thu ka petsan nawh.

111.

I thu ka kumkhaw ro a na,Ka lungril sukhlimtu a nih.

112.

A tawp chena i dan zawm din,Ka lungril khom ka siem fel tah.

113.

Lungril thieng neihai ka theida,I Dan ruok chu ka ngaina hle.

114.

Nang ka'n bikna le phaw i na,I thu, ka beisei innghatna.

115.

Suol thawtuhai, mi zamsan ro,LALPA thu ka zawm ding a nih.

116.

I thu angin, mi vong hring la,Ka beisei hi sukmuolpho naw.

117.

Mi chel nghet la, chun him ka ta,I danhai ngaihlu zing ka tih.

118.

I dan petsantuhai i hnawl,An hlemna iengma lo i'n chan.

119.

Hnuoia mi rilohai po po chu,Thir ek angin i ngai vong a,Chuleiin i dan hi ka lawm.

120.

Ka ti lei che'n ka tha a'n thin,I danhai hi rapthlak ka tih.

121.

Neksawrtu kutah mi'n hlan naw,Thil dik le fel ka thaw leiin.

122.

I siehlaw hi ngaisak tha la,Chapohai mi nek chep phal naw.

123.

I tiem sandamna chu nghak a,I hlen hun ding ka thlirnaah,Ka mithai khom a chau zo tah,

124.

I siehlaw hi lunginsiet la,I dan thuhai mi'n chuktir rawh.

125.

I siehlaw ka ni tlat leiin,I danhai ka hriet theina din,Hriet thiemna inril mi pe rawh.

126.

Aw LALPA, i chet a hun tah,I Dan an bawsiet zing a nih.

127.

Rangkachak inhlir nek khomin,I dan thupek ka ngaina lem.

128.

I dan thu ka zawm vong leiin,Suol kong hrim hrim ka theida vong.

129.

I thusuokhai a mak ropui,Chuleichun ka zawm hlak a nih.

130.

I thu luong suok chu var a na,Hrietthiemna mi mawlhai a pek.s

131.

I thupekhai chu hriet chakin,Ka bau kain ka'n thuok hlop hlop.

132.

I hming ngainatuhai chunga,I thawpek rop hlak ang ngei khan,Zangaiin ka tieng hung ngha rawh.

133.

I thu angin mi kei thuoi la,Suolin a mi hne phal naw rawh.

134.

I thu ka zawm theina dingin,Neksawrtu lakah mi hum rawh.

135.

I siehlaw chungah i hmel eng,Mawi tak chu inlangtir hlak la,I dan thuhai mi'n chuktir rawh.

136.

I dan an zawm nuom naw leiin,Ka mitthli hi a luong rop hlak.

137.

Aw LALPA nang chu i'n dik a,I rorelhai khom a'n dik ie.

138.

I thu inhriettir a'n dik a,Ring tlak a ni takmeu a nih.

139.

Ralhan i thu an nghil leiin,Thahnemngaina'n a mi lem zo.

140.

I thu tiem chun fie a dawl a,I siehlawn a ngaina a nih.

141.

Chinin hmusitum ni lang khom,I dan thu ka theinghil ngai nawh.

142.

I'n dikna pangngai zing a ta,I dan khom indik zing a tih.

143.

Harsat beidongnan a mi nang,Sienkhom i thu'n a mi suklawm.

144.

I danhai a'n dik kumkhuo a,I thu ka hringpui theina di'n,Hrietthiemna nangin mi pe rawh.

145.

Lungril po poin ka ko che,Aw LALPA, nangin mi don rawh.Chuongchun, i danhai zawm ka tih.

146.

Ka ko che hi, mi sanhim rawh,Chuongchun, i danhai zawm ka tih.

147.

Vartien hma'n thoin ka ko che,I thuah beiseina ka'n nghat.

148.

I thu ka dawnkhawl theina di'n,Zan khuoin ka mit ka'n sim nawh.

149.

I hmangaina chuoi ngai lo chun,Ka kona hi lo ngaithla la,LALPA, i thu rel dan angin,Ka hringnun hi mi humpek rawh.

150.

Thil suol rottuhan an mi hnai,Anni chun i dan an hlat si.

151.

Nang ka bulah i um LALPA,I thupekhai a'n dik a nih.

152.

Tiena tlanga inthok ta khan,I danhai chu chatuona di'n,I suknghet ti ka lo hriet tah.

153.

Ka tuor en la, mi hung san rawh,I danhai ka'n nghil ngai si nawh.

154.

Mi hrilpuiin, mi'n tlan suok la,I tiem angin ka nun hum rawh.

155.

Mi suol sandam chu a hnai nawh,I dan thu an zong naw leiin.

156.

I zangaina a lien, LALPA,I dan angin mi'n hringtir rawh.

157.

Mi soisatu hmelma an hrang,Sienkhom i dan ka petsan nawh.

158.

Phatsantuhai ka hmuh, ka ten,I dan thu an zawm ngai si nawh.

159.

I thu ka ngainatzie dawn la,I hmangaina chuoi lo zarin,LALPA, ka hringnun vong him rawh.

160.

I thu laimu thutak a na,I dan po po a'n dik kumkhuo.

161.

Lalhan khelin an mi bei a,Sienkhom i thu hi ka'n za tak.

162.

Rosum tam tak changtu angin,I thu hi ka hlimpui a nih.

163.

Khel ka tirdak, ka theida bok,I dan ruok chu ka ngaina hle.

164.

Ni tin voi sari ka'n pak che,I dan thu a'n dik em leiin.

165.

I dan dittu an thlamuong hlak,Ieng khomin a sukthluk thei nawh.

166.

LALPA i sandam ka nghak zing,I thupekhai khom ka zawm bok.

167.

I danhai hi ka zawm pei a,Ka ngaina em em hlak a nih.

168.

I dan thuhai po po ka zawm,Ka um danhai i hriet vong si.

169.

LALPA, ka rawl i kuom tlung sien,I tiem hrietthiemna mi pe rawh.

170.

Ka hnina hin i kuom tlung sien,I tiem angin mi san suok rawh.

171.

I dan i mi zirtir leiin,Ka hmur inpaknan luong liem sien,

172.

I thupekhai a'n dik leiin,Ka leiin i thu inpak sien,

173.

I dan thuhai ka thlang leiin,Mi veng di'n i kut inpei sien.

174.

LALPA, i sandamna ka ngai,I dan hi ka hlimna a nih.

175.

Nang inpak ding chauin dam lang,I danhai chun mi suknghet rawh.

176.

Beram angin ka'n vak hmang a,I siehlaw hi hung zong suok rawh,I thupek ka'n nghil ngai si nawh.

---

←  Psalms (119/150)  →