←  Psalms (118/150)  →
1. LALPA kuomah lawmthu hril ro,Ama chu a tha em si a,A hmangainan kumtluong a dai.
2. "A hmangainan kumtluong a dai",Israel miha'n ti raw se.
3. "A hmangainan kumtluong a dai," Aron thlahaiin ti raw se.
4. "A hmangainan kumtluong a dai,"LALPA tituhan ti raw se.
5. Ka beidongin LALPA ka ko,LALPA chun a mi hung don a,A mi'n suo tah, hmun thawvengah.
6. LALPA ka kuom tieng a thang a,Titna hrim hrim nei naw ningah,Hringmi'n iem mi law thei an ta?
7. LALPA ka kuom tieng a thang a,Mi thangpuitu ama a na,Mi dotuhai diriem takin,Hlado la'n sam khum ngei ka tih.
8. Mihriem ringsana nei nekin,LALPA-a innghat a tha lem.
9. Lalhai ringsana nei nekin,LALPA-a innghat a tha lem.
10. Hnam po poin an mi'n huol a,LALPA hmingin ka hnot dar vong.
11. Sir tinah an mi'n huol tuou a,LALPA hmingin ka hnot dar vong.
12. Khuoi hon angin an mi tuom a,Hling buk kang angin an ral a,LALPA hmingin ka hnot dar vong.
13. Tlu vangin an mi hneng leng a,Sienkhom LALPAN a mi thangpui.
14. LALPA chu ka hratna le hla,Ka sandamtu a ni si a.
15. Mi felhai puon in vela chun,Hnena lawm ri a thangkhawk a:"LALPA kut chang tiengin thilmak,Ropui tak el a mi thawpek!
16. LALPAN a kut chang tieng a hlang,LALPA kut chang tiengin thilmak,Tam tak a thaw!" tiin an khek.
17. Fam chang loa hringkhuo changin,LALPA thilthaw puong pei ka tih.
18. LALPAN a mi thunun na hle,Ka thi em ruok chu a phal nawh.
19. Felna kotkharhai mi'n hong rawh,Chu chun lutin, LALPA kuomah,Lawmthu ka hril theina dingin.
20. Hi hi LALPA kotkhar a nih,Mi indikhai lut thei an tih.
21. I mi don leiin ka'n pak che,Ka sandamna chu nang i nih.
22. In bawltuhai lung hnawl ngei chu,A kil thut poimaw tak a nih.
23. Chu chu LALPA thilthaw a na,Ei hmuin ropui ei ti hle.
24. Voisun hi LALPA ruot a na,A chungah hlimin lawm ei tiu.
25. LALPA, nangin mi sandam la,Aw LALPA, mi'n hlawtlingtir rawh.
26. LALPA hminga hung a hamtha,LALPA in an'thok mal kan sawm.
27. LALPA chu Pathien a ni si,A var ei chungah a hung eng.Sawl hna chawiin, maicham chenin,Kut hmangtu ruolin feng ei tiu.n
28. Nang ka Pathien i ni leiin,I kuomah lawmthu hril ka ta,Nang ka Pathien i ni leiin,Chawimawina inhlan ka ti che.
29. LALPA kuomah lawmthu hril ro,Ama chu a tha em si a,A ngilneinan kumtluong a dai.
←  Psalms (118/150)  →