←  Psalms (116/150)  →

---

1.

LALPA chu ka hmangai a nih,A zangaina ka hnina rawl,A mi lo ngaithlakpek leiin.

2.

Ka kona a ngaithlak leiin,Ka dam sungin pan zing ka tih.

3.

Thina changin a min huol vel,Thlan thim lungngainan mi tuomin,Beidong buoina'n a mi chim vel.

4.

Chuongchun, LALPA hming chu ka lam,"LALPA, mi san suok rawh" tiin.

5.

Pathien chu mi tlai le indik,Lunginsietnaa sip a nih.

6.

LALPAN inngaitlawmhai a hum,Ka tla hnuoi pha a mi san suok.

7.

Aw ka thla, muong takin um rawh,I chungah LALPA a tha si.

8.

Aw LALPA, nangin ka thlarau,Thina a'nthok i'n tlan suok a,Ka mitthlihai i hruk hul a,Ka'n sui thluk ding i veng bok a,

9.

Mihring ramah, LALPA hmaah,Dar ang ka leng thei tah a nih.

10.

"Ka rimsi ngei!" ka ti lai khomAma chu ka ring tlat hlak a.

11.

"Mi po po khelhlip vong an nih",Ka ti hlak bok, ka chi-ai pha.

12.

LALPA thatna zozai el hi,Ieng tin am rul kir thei ka ta?

13.

Sandamna no-mawi chu domin,LALPA hming lamin khek ka tih.

14.

LALPA kuoma ka thu tiem chu,A mihai hmaah hlen ka tih.

15.

A mi thienghlimhai fam chang hi,LALPA mitah thil hlu a nih.

16.

Aw LALPA, kei chu i siehlaw,I siehlawnu naupa ka na,Phuorna lakah i mi'n suo tah.

17.

Lawmthu hril inthawina hlanin,LALPA hming chu lam zing ka ta,

18.

LALPA kuoma ka thu tiem chu,A mihai hmaah hlen ka tih,

19.

LALPA sumtuol zawla ngei chun,Jerusalem khaw zawl ngeiah.Haleluia.

---

←  Psalms (116/150)  →