Psalms (112/150)  

1. Haleluia!LALPA titu chu a hamtha,A thupekhai lawm hlak mi chu.
2. A thlahai chu hi hnuoia hin,Mi ropui tak hung ning an ta,Mi nun ngil thlahai hrim hrim chun,Malsawmna hung dong pei an tih.
3. An sungkuo chu neinung an ta,A felnan chatuon a dai si.
4. Mi nun ngil ta din thima khom,Khaw var mawi a hung suok hlak a,Mi tlai, ngilnei le indik ta din.
5. Phal taka inpuktir hlaktu,Indik taka hringnun khaltuTa din thil tha hung tlung a tih.
6. Mi indik chu a'n hning ngai nawh,Kumkhawtluongin hriet hlawng a tih.
7. Thu sie dong a'n lau ngai naw a,A lungril a zam ngai bok nawh,LALPA-ah a'n suknghet leiin.
8. A lungril a det indo a, Zamna hrim hrim nei ngai naw nih;A tawpah a hmelmahai chu,Intlawmin hnuoisie vong a tih.
9. A thilpekhai a sem dar a,Pasiehai kuomah a pek a,A felna chun chatuon a dai,A lu chawi sangin um a tih.
10. Mi riloin a hang hmu chun,A lung chu khei em em a ta,A ha rawtin bohmang a ta;Mi rilohai beiseina chu,Ieng khom loin a thamral hlak.

  Psalms (112/150)