←  Psalms (108/150)  →

---

1.

Aw Pathien, ka ring tlat che,Inphet loa ring tlatin,Rimawiin inpak ka che.

2.

Aw ka thla, hung tho har la,Tingtang rimawi chu tumin,Khawfing hang ko chat ka tih.

3.

Hnam tin lai hin aw LALPANang inpak ka ti che a,Mipui lai zaia chawiin,I'n pakna hla sak ka tih.

4.

I hmangainan van a khum,I ringumnan sum a pel.

5.

Aw Pathien, vanhai khelah,Ropui takin nang leng la,I ropuinan hnuoi ram hi,Arengin hung sip raw se.

6.

Thangpuiin mi san suok la,iI hmangaihai himna di'n,I kut chang tieng hung phar rawh.

7.

A hmun thienghlim a'nthokin,Hieng hin Pathienin a hril:"Ka mihan hnena changin,Sekem khuo sem dar ka ta,Sukot ruom the dar ka tih.

8.

Gilead le Manase ram,A rengin ka ta a na,Efraim ram ka thir lukhum,Judai ram chu ka lal hmol,

9.

Moab ram chu ka maihun;Edom ram ka ta a nih,Ka pheikhok ka deng lutna.Filistinhai chu hnenaHlado ka'n sam khum der tah".

10.

Kula inhuon khawpuiah,Tu'n am mi thuoi tang a ta?Edom ramah tuin am,Thuoiin mi fepui a ta?

11.

Aw Pathien, i mi hnawl maw?Kan sipai ruol lai, Pathien,I thang nuom ta naw a ni?

12.

Hmelma lakah mi san rawh,Mihriemhai thangpuina chu,Ienga khom a tlaktlai nawh.

13.

Pathien zarin huoi taka,Beiin hnena chang kan ta,Kan ralhai chil pher a tih.

---

←  Psalms (108/150)  →