←  Psalms (107/150)  →
1. LALPA chu a tha em a,A kuomah lawmthu hril ro,Ngil a nei kumkhuo si a.
2. Hmelma laka inthoka,LALPAN a'n tlan suokhai chun,Chu chu ti rop raw hai se,
3. Sak, thlang,g sim le hmar rama,Mi a hung thuoi khawmhai chun.
4. A then chu thlaler ram sie,Hmun reah an invak a,Hmun khuorna ding khawpui chu,A pawna lam an hmu nawh.
5. Phingtam le dangchar tuorin,Chauin an tlep ngawi ngawi a.
6. Harsatna an tuok pha leh,LALPA koin an khek a,An beidongna a'nthokin,Aman a lo san suok hlak.
7. Lampui indikah a thuoi a,An chengna ding khawpui chu,An tlung thei tawl tah a nih.
8. Hmangaina chuoi lo LALPA,Mihriem ta dinga thilmak,Tam tak thawpektu kuomah,Lawmthu intlun raw hai se.
9. Dangcharhai a sukkhop a,Phingtamhai fak ding thain,A hrai tlai tawl hlak si a.
10. Thenkhat chu inthim hnuoiah,Beidonga rinum tuorin,An inthung, thir kol bunin,
11. Pathien thu lakah hel a,Chunghnungtak remruotpek chu,Hmusita an hnawl leiin.
12. Sin rinum del de hnuoiah,An lung a dong kor kor a,Santu nei loin an tlu.
13. Harsatna an tuok pha leh,LALPA koin an khek a,An beidongnaa inthok,Aman a lo san suok hlak.
14. Thim le thina hlim a'nthok,Aman a lak suok tawl a,An khaidiethai a suktan.
15. Hmangaina chuoi lo LALPA,Mihriem ta dinga thilmak,Tam tak thawpektu kuomah,Lawmthu intlun raw hai se.
16. Dar thir kot a suksiet a,A kalna thir a sukbong.
17. Invethai nat san tak chu,Hel kong an hraw lei a na,An tuor hlakna san tak khom,An bawsietna lei a nih.
18. Fak ding tinreng an hnam a,Thlan ko tieng an pan hnai hlak.
19. Harsatna an tuok pha lehLALPA koin an khek a,An beidongnaa inthok,Aman a lo san suok hlak.
20. Thu a pek, a sukdam a,Thlan a'nthok a san suok hlak.
21. Hmangaina chuoi lo LALPA,Mihriem ta dinga thilmak,Tam tak thawpektu kuomah,Lawmthu intlun raw hai se.
22. A kuomah lawmthu hrilin,Inthawina inhlan hai sien,Lawmna hla mawi chu remin,A thilthaw hril raw hai se.
23. Thenkhat longa inzinin,Tuipuiah fak an zong a.
24. LALPA thilthaw an hmu a,Tui inthuk taka thilmak,A thawhai po po khom chu.
25. Thu a pek, thlipui a hrang,Tuipui a sukfawn hlup hlup.
26. Van tieng an invor tung a,Li tieng an bir nawk vung vung,A pangzatum em leiin,Thlabarin an chi-ai hlak.
27. Zu rui lam lawn pai angin,An thle ton an thle ton a,Thaw ngaina hrim an hriet nawh.
28. Harsatna an tuok pha leh,LALPA koin an khek a,An beidongnaa inthok,Aman a lo san suok hlak.
29. Thlipui chu a suktawp a,Tui fawn khom an re chip a.
30. A re chun an hlim hle a,An pan tum tak long chawlnaHmuna chun a thuoi tlung hlak.
31. Hmangaina chuoi lo LALPA,Mihriem ta dinga thilmak,Tam tak thawpektu kuomah,Lawmthu intlun raw hai se.
32. Mipui pung khawmna hmunah,Ama chu chawimawi unla,Upa ruol thung khawmnaah,Ama chu inpak hlak ro.
33. Vadung khom thlaler hmunah,Ama chun a'n changtir a;Tui hnar umna ram hnawng khom,Ram tawlah a'n changtir bok.
34. A chengtuhai suol leiin,Pil hang khom hmangna um lo,Hnuoi alah a'n changtir hlak.
35. Thlaler ram khom tui tamnaHmunah a'n changtir hlak a;Ram tawl khom tui hnar tamna,Ram hnawngah a'n changtir hlak.
36. Chu taka chun cheng dingin,Phingtamhai a hung thuoi a,Umhmun an khuornaa chun,Khawpui an hung indin a.
37. Thlai chingin grep an phun a,A ra kur ter tuor el a.
38. Mal a sawm, an pung tuol tuol,An ranhai kiem a phal nawh.
39. Neksawrna, sietna leiin,An hung kiem ta tiel tiel a,Lungngaiin an kun tlok tlok.
40. Sienkhom milienhai chunga,Hmusitna bun thlatu chun,Lam um lo thlaler rama,Invakvaitirtu ngei chun,
41. An tuornaa inthokin,San ngaihai a chawi kang a,Ran ruol angin an sungkuo,An hung pung nawk tah a nih.
42. Mi indikhan an hmu chun,An hlim ta em em el a,Mi suolhai ruok chun an bau,An inchip hmak ve thung a.
43. Mi var chun hieng thuhai hi,Inzain poisa sien la,LALPA ngilneina ropui,Ngaituoin sut chieng raw se.
←  Psalms (107/150)  →