←  Psalms (103/150)  →
1. Aw ka thla, LALPA inpak la,Ka sunga umhai po poin,A hming thienghlim inpak raw se.
2. Aw ka thla, LALPA inpak la,Hamthatna a mi pekhai hi,Theinghil pal ngai hrim hrim naw rawh.
3. Ei suol po po a ngaidam a,Ei natnahai khom a sukdam.
4. Khur a'nthoka mi'n tlan suokin,Lunginsietna a mi'n khumtir.
5. Thil tha tinrenga mi chawmin,Mupuiz angin a mi tuoithar.
6. Thilthawah LALPA a'n dik a,Neksawrna tuortuhai ta din,Indik takin ro a rel hlak.
7. A ditzawng Mosie a hril a,Israel mihai kuoma chun,A thilthawtheizie a'n entir.
8. LALPA chu ngilnei le hmel tlai,A lung khom sen mei mei ngai lo,Hmangaina chuoi ngai lo a nih.
9. Mi a kawk mei mei ngai naw a,A lungsen a pai zing ngai nawh.
10. Ei suol anga mi thung loin,Ei bawsietna ang phu khomin,A mi thungrul ve ngai bok nawh.
11. Hnuoi neka van an sang ang hin,Ama tituhai chunga chun,A lungsietna chu a'n sang a.
12. Sak le thlang an inhlat ang hin,Ei bawsietnahai hla takah,A mi sie hmangpek dai a nih.
13. Pain nau a lungsiet angin,Ama tituhai chunga chun,LALPAN lunginsietna a hauh.
14. Ei pienhmang hi a hriet chieng a,Pilvut el ei nih ti a hriet.
15. Mihriem hi hlobet ang a na,Ram hlo angin a hung par a;
16. Thli hung hrangin a len hmang a,Tu hriet khom a hlaw ta ngai nawh.
17. Ama tituhai chunga chun,LALPA a ngilnei kumkhuo a,A felna khom an tu suon chen,A danglam nawh, a pangngai zing,
18. A thuthlung vong zingtuhai leA thupek zawmtuhai ta di'n.
19. Van sanga khin a lalthungpha,LALPA chun a hang innghat a,Iengkim chungah ro a rel ie.
20. Nangni a vantirko hrathai,A thu le ditzawng zawmtuhai,,LALPA chawimawiin inpak ro.
21. A rongbawltu van mipuihai,A ditzawng thil thaw hlaktuhai,LALPA inpakin chawimawi ro.
22. A thu hnuoia um po po leA kutsuok thilsiem tinrengin,LALPA inpakin chawimawi ro.Aw ka thla, LALPA inpak rawh.
←  Psalms (103/150)  →