←  Psalms (10/150)  →
1. Aw LALPA, iengtizie hrim a,Ka beidong mangang nia hin,Hla takah i'n bi hmang dai am?
2. Mi rilo chun chapo takin,Hratnawhai chu sa ang pelin,A chang kam rukah a'n awktir.
3. A lungril chak zawng uongpuiin,Duam taka hlawkna hnotin,Pathien hnawlin tongsie a'n phur.
4. Mi rilo chu a chapo a,Pathien hrim a zong ngai naw a, A lungrilah Pathien ta din,Hmun hrim hrim a'n ken ve ngai nawh.
5. A tum lam a hlawtling rop a,Chuleiin a uongthuong hle a;I dan leh an inhnai naw a,A hmelmahai a'n siet khum hlak.
6. "Ieng khomin mi sukchang naw nih;Buoina ieng khom tuok ve loin,Hlim zing ka tih" a ti lungril.
7. Tongsie le khel, inthina hai,A bauin a sak suok zing a;A lei hnuoia chun suolnain,Buoina bupui chu a khuor a.
8. Khawhnawmah mi a'n chan ruk a,A rukin mi a pel zing a,Poi tawk lohai chu a phil hlak.
9. Keipui angin a'n chan ruk a,Santu nei lohai chu manin,A len sungah a hnuk lut hlak.
10. A manhai chu an op rop a,A hratna chun a sop hne si.
11. A lungrilin hieng hin a tih:"Pathienin a hriet fuk ta nawh;A hmai a hup, a hmu teu nawh."
12. LALPA, tho la, aw ka Pathien,I kut inlet khum hram raw khai!Santu nei lohai nghil naw rawh.
13. Ieng leia mi rilohaiin, Pathien an deusaw am a na?"A maw mi'n phurtir teu naw nih",Ieng leia an ti lungril am?
14. Aw Pathien, nang chun i hmu a,Buoi mangang tuokhai i'n chik a,Thangpui dan i ngaituo hlak.Tuorhai inhnemna tak i nih,Fahrahai santu i ni si.
15. Mi suolhai ban suktliekpek la,An suolhai a ru inlangin,Nangin hung phor suokpek vong rawh.
16. LALPA chu kumkhaw Lal a na,A ram a'nthokin hnamhai chu,An la bohmang vong ding a nih.
17. Neksawrhai dit dan chu LALPA, Nangin lo ngaithlapek hram la,Anni tieng nghaa na dawin,An lungril hung sukphurpek rawh.
18. Fahrahai le neksawrhai chu,Hnuoi mihriemhai lai tu khomin,An hrawk thlabar ta nawna di'n,Nangman sanin hung huol him rawh.
←  Psalms (10/150)  →