← Proverbs (5/31) → |
1. | Ka naupa, ka varna thu hi ngaiven la,Thu ril ka hril hi ngaithla rawh, |
2. | Fimkhur thiem theina nei a,I hmurin hrietna a vong theina dingin. |
3. | Uire nu hmurah khuoizu a far a,Sahriek nekin a dang a'n nal lem. |
4. | Sienkhom, a tawp tieng ruok chu,Sairam khakin a tong a kha a,Kawlhnam ngeituo angin a ngei. |
5. | Thina tieng panin ke a pen a,A lampui chun thlan khur a sun. |
6. | Hringna lam hraw a tum naw a,Lam kikawi indik lo a hraw a,Ama hlak chun a hriet si nawh. |
7. | Chuong chun tu hin ka naupahai,Ka hril cheu hi ngaithla unla,Ka hril cheu hi petsan naw ro. |
8. | A kawl hnaiah fe naw unla,A tuol kot khom va hnai naw ro. |
9. | In hratna tak chu mi dang pein,Nunrawng kutah thi pal rawi in tih; |
10. | Mi dangin in hausakna tlan an ta,Mi insung ta dinga inrim ni rawi in tih. |
11. | In taksa le tha zur hnungah,In thi tawm ruoiin inrum in ta, |
12. | " Thununna ngai thei lo a,Zilna ka lo hnawl el kha aw! |
13. | Mi zirtirtuhai thu zawm lo a,An zirtirna ka ngaithlak naw leiin, |
14. | Vantlang pungkhawmhai hmaah,Ka se let der an ta hih" la ting in tih. |
15. | I tuibela tui ngei chu tlan rawh,I tuikula tui tharlam ngei chu. |
16. | I tuikhur chu kotthlerah luong suokin,Tuol zawlah a luong dar ding maw? |
17. | I tuikhur chu nangma tlan ding chauh ni sien,Mi dang leh intawm naw ro. |
18. | I tuikhur chu malsawmin um sien,I vanglai nu-thaia chun hlim rawh. |
19. | Zukpui sen anga ditum,Zuk latuoi anga nal chun,A tangah inbei tlaitir rop sien che,A hmangainan hip tang zing che raw se. |
20. | Ieng leiin am nang ka naupa,Uirenu zunah intangin,Lawithlemnu tangah i'n bei ding a na? |
21. | Mihriem khawsak dan po po hi,LALPA chun a hmu fai vong a,A lampuihai a enthlithlai hlak. |
22. | Mi rilohai chu an suolnan a awk a,An suolna hruolin a vet tang hlak. |
23. | In thununna tlasamin thing a ta,An invet bilingna chun fen hmang a tih.Fimkhur ngaina dang |
← Proverbs (5/31) → |