←  Proverbs (30/31)  →
1. Jakeh naupa Agur thu,Ithiel le Ukal kuoma thuvar a hrilhai chu:g
2. "Mi laia a mawl tak ka na,Mi hriet ang ka hriet phak ve naw a,
3. Varna ka'n chuk naw a,Mi Thienghlim ka hriet bok nawh.
4. Tu am vanah lawna hung tum nawk?Tuin am kutparin thli a fun khawm thei?Tuin am puonin tui a fun thei?Tuin am kawlkil tin a siem nghet?Tu am a hming le a naupa hming?A hrie in um chun mi hril ro.
5. "Pathien thu tin hi soisel boa indik a na,Ama beltuhai ta dingin phaw a nih.
6. A thuhai chu belsa naw ro,Chuong naw chun zil a ti cheu a,Khelhlip ni pal rawi i tih.
7. "Aw LALPA, thil pahni chauh ka ngen che,Ka thi hmain mi remtipek lul rawh.
8. Indik nawna le khel po po lakah,Nangman mi veng him la,Mi sukhausa naw la,Mi sukpase bok naw la,Ka ni khat tlak char bu mi pe rawh;
9. Ka hausa taluo pal hlauh chun,'LALPA chu tu am a na?' tiin,Inphatsan hlauh rawi ka ti che.Ka rethei chun ruk dam inrung ka ta,Ka Pathien hming sukhmelhem rawi ka tih.
10. "A pu bulah siehlaw dem naw rawh,Tongsie inphur hlauh a ti che a,Thiem naw chang palh rawi i tih
11. "Thenkhat chu pahai tongsie inphur,Nuhai malsawm lo dam an um.
12. Mani tirdakumna sawp fai si loa,Thienghlim em ema inngai an um bok.
13. Ieng lai khomin an meng chapo a,Mi tham naw em emin an meng inlir.
14. Hnuoia mi retheihai fakna dingin,An ha kawlhnam angin a ngei a,Mi pasiehai soi nawina dingin,An hapui chu chemte lu zum ang a nih.
15. Mi pe rawh, mi pe rawh' tia khek hlak,Invot chun nau nuhmei pahni a nei. 'Thil pathum, khop tik nei lo an um a,'A hun tah' ti ngai lo thil pali an um bok:
16. Thlan, sul ching,Tui khopkham dong lo hnuoi char, 'A hun tah' ti ngai der lo mei.
17. "Nau, pahai mit phielkhumtu,Nau, nu thu awi loa nuisantu chu,Phaia vaakhaiin a mit la chuk dok an ta,Mulukolhan a ruong la tlan an tih.
18. "Thil pathum mak ka ti tawp lo an um a,Thil pali ka hriet thei lo an um bok:
19. Boruoka muvanlai fena hnuhma,Lungpuia rul fena hnuhma,Tuipuia long fena hnuhma,Pasalin nuhmei a pawlna hnuhma.
20. "Hi hi a nih nuhmei uire um dan chu:Mi a uirepui a, a'n sawp fai a,'Suol ieng khom ka thaw nawh' a ti hlak.
21. "Thil pathum leiin hnuoi hi an hning a,Thil pali khawvel tuorhla a um:
22. Siehlaw lala inthung, Mi invet bu le sa hauh,
23. Nu theidaum pasal nei,Siehlaw nunghak, a pi hlantu.
24. "Hnuoia hin thil pali chikte te,Sienkhom var deu el an um:
25. Phaivang hi hrat naw tak an nia chu,Thalah fak ding an sekkhawl hlak;
26. Sangawi hi hrat naw tak a nia chu,Lungpui kak kar inin an hmang;
27. Khau hin lal an nei nawa chu,A honin an intlon hlak;
28. Cholru hi man el thei a nia chu,Lal inah a cheng tlat hlak si.
29. "Thil pathum, an nawh thil pali lem,An hang chet vela inza phur tak an um:
30. Sakeibaknei, ramsahai lal,Tu hmaa khom zam ngai lo;
31. Arkhong lawn theu theu; A ruol laia kelchal;Lal, a sipaihan an ngir huol khup lai.
32. "Invet taka nangma inchawisang a,Thil suol thaw ding i lo phan a ni chun,I kutin i bau hup hmak rawh.
33. Bawngnene inluma chok zing chun,A khal a hung suok hlak ang le,Hnar her chun thisen a suok hlak angin,Lungsenna i cho phawk ngei chun,Insuolna chok dok a tih."Lal Lemuel thuvarhai
←  Proverbs (30/31)  →