← Proverbs (3/31) → |
1. | Ka naupa, ka zirtirna hi theinghil naw la,Ka thupekhai i lungrilin vong tlat rawh. |
2. | Chuongchun sawt tak dam i ta,Vangneina vurin um i tih. |
3. | Hmangaina le ringumnahai,Inthla ngai hrim hrim naw la,I ringah hli zing hlak la,I lungril phekah ziek rawh. |
4. | Pathien le mihriemhai lakah,Ditsakna le hming tha hlawng i tih. |
5. | I lungril po poin LALPA ring la,I hrietnaah innghat naw rawh. |
6. | I thilthaw taphotah ama hre la,I lampui suktluongpek a ti che. |
7. | Mani var inti ngai naw la,LALPA ti la, suol maksan rawh. |
8. | I taksa'n hrisel phang a ta,I ruhai khom sukhrat a tih. |
9. | I thil neiin LALPA chawimawi la,I tharsuok hmasahai po po khomin; |
10. | Chuongchun, i bu in sung vum a ta,I dawnbel uoiin tharin sung sip a tih. |
11. | LALPA thununna che chu,Ka naupa, ngainep naw la,A zilna che khom theida naw rawh. |
12. | Pain a nau dit a thunun angin,LALPAN a hmangaihai a zil hlak. |
13. | Varna hmu phaktu chu a hamtha,Hrietthiemna nei phaktu khom. |
14. | Tangkaruo nei nekin a hlawk a,Rangkachak nek daiin a hlu lem. |
15. | Lunghlu rubi nekin a hlu lem a,Duthusam ieng khomin a tluk nawh. |
16. | A chang tieng dam sawtna a um,A voi tieng hausakna le ropuina. |
17. | A lampuihai chu a hlimum a,Thlamuongna lampui vong a nih. |
18. | A cheltu din hringna thing a na,A pomtu taphot hamthang an tih. |
19. | LALPA chun varna hmangin,Leihnuoi bulthut a phum a,Hrietna hmangin vanvel a'n din. |
20. | A hrietnan li inthukhai a sukthe a,Sum hmangin daidaw a'n tlaktir. |
21. | Buk thiemna le fimkhur thiemna,Ka naupa, vong tlat hlak la,I hmu phak loah inthla naw rawh. |
22. | I nun sukhringtu ning a ta,I ring cheimawitu ni bok a tih. |
23. | Nghet takin kal chawi i ta,I sir inphet ngai naw nih. |
24. | Ti loin zal hmun rem i ta,Imu inhnik takin in i tih. |
25. | Mi suolhan sietna an tuok ang,Tuok ve thut inlau naw rawh. |
26. | LALPAN veng tlat a ti che a,I ke changa awk phal naw nih. |
27. | I thaw thei thil a ni phot chun,Mamawhai pek di'n i thil tha nei, Inro ngai hrim hrim naw rawh. |
28. | Nuoma i pek thei zing si,"Zingah hung la, peng ka ti che"I tuolbawm kuomah ti naw rawh. |
29. | Ngaingam taka i bula um,I tuolbawm phier ruk naw rawh. |
30. | I poi ieng khom tawk lohai chu,A san boin hek ngai naw rawh. |
31. | Mi nunrawng inhnar naw la,A lampui hraw ngai naw rawh. |
32. | LALPAN mi lutinle a theida a,Mi ngilhai ruok chu a ringzo. |
33. | Mi rilo sungkuo chungah, LALPA tongsie a fu a,Mi fel sungkuo chunga ruok chu,Malsawmna a vur lem hlak. |
34. | Chapohai chu a hmusit a,Inngaitlawmhai zangaina a pek. |
35. | Mi varin chawimawina rochung a ta,Mi invetin muolphona chang a tih. |
← Proverbs (3/31) → |