←  Proverbs (27/31)  →

---

1.

Zinga ding thil uongpui naw rawh,Zingin iem a her suok ding i hriet si nawh.

2.

Mani baua mani inpak loin,Mi dangin inpak lem raw hai se che,Nangma hmura inthok ni loin,Hmel hriet lo hmura inthok ngeiin.

3.

Lung hi a rik a, phaiphin hi a khin a,Mi invet chona chu an pahni nekin a rik lem.

4.

Lungsenna hi a rawng a, Lungsen intur lem chu a phul buon buon a,Sienkhom thikna chu tuin am tuor zo a ta?

5.

A ruka inhmangai nek chun,Tlang taka inzil hi a hlu lem.

6.

Ruol mi ben chu thatna ding a na,Hmelma fawp luom chu a der a nih.

7.

Khop lai chun khuoizu khom ei hnam a,Tam chun thil kha khom a'n hnik vong.

8.

In le lo ngaisak loa daurap chu,A bu op lum hman lo vate ang a nih.

9.

Hriek le rimtuiin lungril a suklawm angin,Lungril taka suok ruol tha thurawn pek chun,Lungril a sukhlim hlak.f

10.

I ruol le i pa ruolhai nghatsan naw la,Sietna i tuokin i unau kher pan naw rawh.Rala unauhai nekin tuolbawmhai an tangkai lem.

11.

Ka naupa, var la, ka lungril suklawm rawh,Mi hrilsetuhai chu ka don let theina dingin.

12.

Remhre mi chun titna a hmu pha a'n bi a,Mi mawl chun a tawn a, a tuor pha hlak.

13.

Hriet lo mi ta dinga dakhama insietu silfen chu la la,Nu tha lo lakah a ni lem chun a silfen chu dakhamah sie rawh.

14.

Zing inhma taka mi kei tho a,Inring vuola mi chibai ching chu,Tongsie inphur ang charin ngai an tih.

15.

Nuhmei inhal hmang chu ruo niching ang a nih;

16.

Khap dei tum chu thli dang tum ang leKuta sahriek fun de tum ang a nih.

17.

Thirin thir bok a sukngei thei angin,Mihriemin mi dang a tat ngei hlak.

18.

Theichang kung enkoltu chun a ra fang a ta,A pu enkoltu chun chawimawi hlawng a tih.

19.

Tuiah hmel thla a'n lang angin,Mihriem lungrilah a nina a'n lang.

20.

Thina le Sietnan khop tik an nei naw angin,Mihriem mit khomin khop tik a nei nawh.

21.

Suongtuina bel chu tangkaruoa ding a na,Rawtuina pum chu rangkachaka ding a na,Mihriem fiena chu inpak a hlawnaah a nih.

22.

Mi invet chu bu rawtna lunga rawtin,Sumah fahrelin suk hrep khom ni la,An vetna chu sukkhe thei chuong naw ti nih.

23.

I beramhai ngirhmun hre chieng la,I ran ruol fimkhur takin enkol rawh.

24.

Hausaknain kumkhuo a dai naw a,Lalna khomin thang tam a dai nawh.

25.

Hlo an at a, der thar a hung insuo a,Tlanga inthokin ran bu an lak khawm hlak.

26.

I beram hmulhai chu sil i ta,Kel manin ram inchawng i ta,

27.

I sungkuo chawmna dinginKel nenetui tam tak sawr i ta,I siehlaw nunghakhaiin tlan bok an tih.

---

←  Proverbs (27/31)  →