← Proverbs (25/31) → |
1. | Hienghai khom hi Solomon thuvar dang,Judai ram lal Hezekia mihaiin,An ziek thlak sawng chu a nih: |
2. | Pathien ropuina chu a thil thup a na,Lalhai ropuina chu a thil thup zong suok a nih. |
3. | Van insangzie le hnuoi inthukzie ang bokin,Lalhai lungril khom sui suok ruol a ni nawh. |
4. | Tangkaruo ek po i pei hmang chun,A sertuin thil tha hung ser suok a tih; |
5. | Lal bula inthokin mi rilo po son hmang la,A lalna chu felnaa suknghetin um a tih. |
6. | Lal hmaah invor lar tum naw la,Milienhai lai thung inchu bok naw rawh; |
7. | Milienhai hmaa insukhmaimawk nekin,Thungna tha lema thung dinga fiel ni a tha lem. |
8. | I mit ngeia i thil hmuhai khom,Roreltu kuomah intlun inhmaw naw rawh;A tawpah i tuolbawmin sukmuolpho sien che,Ieng am i law hrim ding a na? |
9. | I tuolbawm leh thubuoi in nei a ni khomin,Hmai intonin in thu chu hrilpui la,Mi dang thuruk hril suok ngai naw rawh; |
10. | A lo hretuin sukmuolpho hlau a ti che a,I hming siet re ta ngai naw nih. |
11. | Thu a ni dan ding ang taka hril suok hi,Tangkaruoa rangkachak mum phum ang a nih. |
12. | Mi var zilhauna chu a ngaithlatu ta dingin,Rangkachak nabe le kutsebi nekin a hlu lem. |
13. | Palai ringum chu a tirtu ta dingin,Bu sik huna vur dei ang a na,A puhai lungril a sukhar song song hlak. |
14. | Thilpek pe dinga intiem sia pe lo chu,Sum tui pai lo thliin a len ang chauh a nih. |
15. | Dawtheinain roreltu lungril a hne thei a,Tong innemin ru khom a deng tliek thei. |
16. | Khuoizu i hmu chun a huntawk char fa rawh,I fak rawn taluo chun inluok rawi i tih. |
17. | An khat tawk chauin i tuolbawmhai sir rawh,I leng inzing taluo chun nghok an ti che. |
18. | Mani tuolbawmhai indik lo taka hek chu,Hmol le kawlhnam le thal inzum tak ang a nih. |
19. | Buoi nikhuoa mi ringum lo ringsana hmang chu,Ha na le ke ru inpelsol nei ang a nih. |
20. | Mi lungngai laia hla sakkhum chu, Dei laia silfen lakpek ang le,Hliemna bea changal bur ang a nih. |
21. | I hmelma a phing a tam chun bu pe la,A dang a char chun dawn ding pe rawh. |
22. | I pek chun a luah meiling i sie khawl ning a ta,LALPAN lawmman peng a ti che. |
23. | Hmar thliin ruo a hung thuoi hlak angin,Mi dem hmang leili chun lungsen hmel a kei pung. |
24. | Nuhmei hrangsie le in lien tak hluo nekin,In chung sip kila um a tha lem. |
25. | Ram hla taka inthoka chanchin lawmum hriet chu,Chau dangcharin tui dei a'n khiet ang hi a nih. |
26. | Mi rilo hmaa mi fel tlawm chu,Tuikhur suksiet le tuihnar sukporche ang a nih. |
27. | Khuoizu dawn rawn taluo a tha naw ang bokinChawimawi hlaw tum taluo hi a tha nawh. |
28. | Mani inthunun thei lo mi chuKhaw kul bang chim ang a nih. |
← Proverbs (25/31) → |